Accident: ଅଟୋ ଉପରେ ଚଢିଗଲା ବାଲେନୋ କାର୍, ଗାଡ଼ି ଭିତରୁ ମିଳିଲା ବଡ଼ ସୁରାକ

ଭୁବନେଶ୍ବର ଜୟଦେବବିହାର ଛକରେ ଅଟୋ ଉପରେ ଚଢିଗଲା ବାଲେନୋ କାର୍। ଗାଡିରେ ଲାଗିଛି ପୋଲିସ ଷ୍ଟିକର । କାରରେ ଥିବା ଦୁଇ ଜଣ ଯୁବକ ପ୍ରଚୁର ମଦ୍ୟପାନ କରିଥିବା ବେଳେ ଏକ ପ୍ରତିଷ୍ଠିତ ବିଶ୍ୱବିଦ୍ୟାଳୟର ଆଇନ ଛାତ୍ର ବୋଲି କୁହାଯାଉଛି । 

ଗାଡ଼ି ଭିତରେ ମଦ ବୋତଲ ପଡିଥିବା ଦେଖିବାକୁ ମିଳିଛି। ଉଭୟଙ୍କ ଉପରେ କାର୍ଯ୍ୟାନୁଷ୍ଠାନ ପାଇଁ ସାଧାରଣ ଲୋକ ଦାବି କରିବା ସହ ରାସ୍ତାରୋକ କରିଥିଲେ। ପୋଲିସ ଉତ୍ୟେକ୍ତ ଲୋକଙ୍କୁ ବୁଝାସୁଝା କରିବା ସହ ଆହତ ଅଟୋ ଡ୍ରାଇଭରଙ୍କୁ ଚିକିତ୍ସା ପାଇଁ କ୍ୟାପିଟାଲ ହସ୍ପିଟାଲକୁ ପଠାଇଛି।