ପାଞ୍ଚଟା ଦିନ ଆଗରୁ ଏଠି ସୁନ୍ଦର ପରିବା କିଆରୀ ଥିଲା, ହେଲେ ଏବେ ?

ପାଞ୍ଚଟା ଦିନ ଆଗରୁ ଏଠି ସୁନ୍ଦର ପରିବା କିଆରୀ ଥିଲା ବାଇଗଣ, ଝୁଡ଼ଙ୍ଗ, ଜହ୍ନି, ଭେଣ୍ଡି, କେତେ କ’ଣ ଫଳୁଥିଲା। ଚାଷୀ ପାଳଭୂତ ପୋତି ଅମଳ ବେଳକୁ ଚାହିଁ ବସୁଥିଲା। ଚାଷୀ ମୁଣ୍ଡର ଝାଳ ତୁଣ୍ଡରେ ମାରି ସୁନାର ଫସଲ ଫଳାଇବ ବୋଲି ଆଶା ରଖିଥିଲା। ହେଲେ ଏବେ ପରିବା କିଆରୀ କହିଲେ ପାଣି ଉପରକୁ ମୁଣ୍ଡ ଟେକିଥିବା ଗଣ୍ଡାଗଣ୍ଡା ବାଉଁଶ ଖୁଣ୍ଟ, ଆଉ ଧାନବିଲ। ଯାହା ନଜରକୁ ଆସୁଛି, ତାକୁ ସହଜେ ବିଶ୍ୱାସ କରିବା କଷ୍ଟ।