ଗଗନଯାନ ପାଇଁ ୪ ମହାକାଶଚାରୀଙ୍କ ନାଁ ଘୋଷଣା

ଗ୍ରୁପ୍ କ୍ୟାପଟେନ ପ୍ରଶାନ୍ତଙ୍କ ଘର କେରଳର ତିରୁଭଳିୟାଡ଼ ହୋଇଥିବା ବେଳେ, ଗ୍ରୁପ କ୍ୟାପଟେନ୍ ଅଜିତ ଚେନ୍ନାଇର। ଗ୍ରୁପ କ୍ୟାପଟେନ୍ ଅଙ୍ଗଦ ଉତ୍ତରପ୍ରଦେଶ ପ୍ରୟାଗରାଜର ଏବଂ ୱିଙ୍ଗ କମାଣ୍ଡର ଶୁଭ୍ରାଂଶୁ ଲକ୍ଷ୍ନୌର। ଏହି ଟେଷ୍ଟ ପାଇଲଟମାନଙ୍କ ପାଖରେ ଅଛି ସୁଖୋଇ, ମିଗ୍, ହକ୍, ଜାଗୁଆର୍ ଓ ଡୋର୍ନିଅର ଆଦି ଉଡ଼ାଇବାର ଦୀର୍ଘ ଅଭିଜ୍ଞତା। ୩ ଜଣ ଗ୍ରୁପ୍ କ୍ୟାପଟେନ ଫ୍ଲାଇଂ ଇନଷ୍ଟ୍ରକ୍ଟର ହୋଇଥିବା ବେଳେ, ୱିଙ୍ଗ୍ କମାଣ୍ଡର ଶୁଭ୍ରାଂଶୁ ଜଣେ ଫାଇଟର୍ କମ୍ବାଟ୍ ଲିଡର। ଆଜି ପ୍ରଧାନମନ୍ତ୍ରୀ ମୋଦି କେରଳ ଥିରୁଅନନ୍ତପୁରମ ସ୍ଥିତ ବିକ୍ରମ ସାରାଭାଇ ସ୍ପେଶ୍ ସେଣ୍ଟର ଗସ୍ତ କରି, ସେମାନଙ୍କୁ ପ୍ରଥମ ଥର ପାଇଁ ସର୍ବସମ୍ମୁଖକୁ ଆଣିବା ସହିତ ଆଷ୍ଟ୍ରୋନଟ୍ ୱିଙ୍ଗରେ ସମ୍ମାନିତ କରିଛନ୍ତି।