ସାମ୍ବିଧାନିକ ପଦ ପ୍ରତି ଶାସକ ଦଳର ସମ୍ମାନ ଅଛି ତ ? ୨ ମାସ ପରେ ବି ପୂରଣ ହୋଇପାରୁନି ବାଚସ୍ପତି ପଦ

ବିଧାନସଭା ବାଚସ୍ପତି ପଦକୁ ନେଇ ହଟୁନି ସସପେନ୍ସ। ଦୀର୍ଘ ୨ ମାସ ୧୦ ଦିନ ପରେ ବି ପୂରଣ ହୋଇନି ଗୁରୁତ୍ୱପୂର୍ଣ୍ଣ ସାମ୍ବିଧାନିକ ପଦବୀ। ଯାହାକୁ ନେଇ ରାଜ୍ୟ ସରକାରଙ୍କୁ ଘେରିଛନ୍ତି ଉଭୟ ବିଜେପି ଓ କଂଗ୍ରେସ। କଂଗ୍ରେସ ଏହାକୁ ପରମ୍ପରା ବିରୋଧୀ କହି ବର୍ଷିଥିଲା ବେଳେ ବିଜେପି ବି ଅଗଣତାନ୍ତ୍ରିକ କହି ସମାଲୋଚନା କରିଛି। ଏଥିସହ ତୁରନ୍ତ ବାଚସ୍ପତି ନିର୍ବାଚନ ପାଇଁ ଦାବି କରିଛନ୍ତି ଉଭୟ ଦଳ। ତେବେ ବିଜେଡି କହିଛି ଠିକଣା ସମୟରେ ନିଷ୍ପତ୍ତି ନିଆଯିବ।