ନବୀନ ବ୍ରାଣ୍ଡର ବ୍ୟାଗ୍ ବଣ୍ଟାକୁ ନେଇ ତେଜିଲାଣି ବିରୋଧ

କେଉଁଠି ପୋଡ଼ି... କେଉଁଠି ପ୍ରତିବାଦ- ହଙ୍ଗାମା। ଭିନ୍ନ ଢଙ୍ଗରେ, ଭିନ୍ନ ବାଗରେ ଭୋଟ୍ ପୂର୍ବରୁ ପୁଣି ତେଜିଲା ଚାଉଳ ପଲିଟିକ୍ସ। ଚାଉଳ ତମର, ବ୍ୟାଗ୍ ଆମର ! ରାଜ୍ୟର ସବୁ ପିଡିଏସ୍ କେନ୍ଦ୍ରରେ ଖାଦ୍ୟ ସୁରକ୍ଷାର ହିତାଧିକାରୀଙ୍କୁ, ରାଜ୍ୟ ସରକାର, ଆମ ଓଡ଼ିଶା ନବୀନ ଓଡ଼ିଶା ଓ ଫାଇଭ୍ ଟି ଲୋଗୋ ଥିବା ଦୁଇଟି ଲେଖାଏଁ ବ୍ୟାଗ୍ ବଣ୍ଟନକୁ ନେଇ ଆରମ୍ଭ ହୋଇଛି ନୂଆ ବିବାଦ। ଖୋର୍ଦ୍ଧା ବାଲୁଗାଁ ଏନଏସିର ଏକ ଡିଲର ପଏଣ୍ଟ ଆଗରେ ବିଜେପି ପକ୍ଷରୁ ବ୍ୟାଗକୁ ପୋଡ଼ି ଜୋରଦାର ବିରୋଧ କରାଯାଇଛି। ବାଲେଶ୍ୱର ଶୋଭାରାମପୁର ଅଞ୍ଚଳର ଏକ ପିଡିଏସ୍ କେନ୍ଦ୍ରରେ ବି ହଙ୍ଗାମା ଦେଖିବାକୁ ମିଳିଛି। ଯଦି ରାଜ୍ୟ ସରକାର ମାଗଣାରେ ବ୍ୟାଗ୍ ବାଣ୍ଟିବା କଥା, ତାହେଲେ ଜାତୀୟ ଖାଦ୍ୟ ସୁରକ୍ଷା ଯୋଜନାରେ ମାଗଣାରେ ମିଳୁଥିବା ଚାଉଳ ବଣ୍ଟନ କେନ୍ଦ୍ରରେ କାହିଁକି ଏହାକୁ ବଣ୍ଟାଯାଉଛି ବୋଲି ପ୍ରଶ୍ନ ଉଠିଛି।

Published By: Santosh Kumar Sahoo

Last updated: 10 February 2024, 09:36 PM IST