ସରକାରୀ ଦପ୍ତରରୁ ଛକ ବଜାର, ସବୁଠି ଝୁଲୁଛି ସରକାରୀ ସ୍କିମ୍

ଭୋଟ୍ ବିଗୁଲା ବାଜିଲା, ଆଚରଣ ବିଧି ଲାଗିଲା। ତିନି ଦିନ ବିତିଲାଣି, ତଥାପି ପ୍ରଶାସନ ନିଦ ଭାଙ୍ଗୁନି। ରାସ୍ତାକଡ଼ ହେଉ କି ସରକାରୀ ଦପ୍ତର, ସବୁଠି ଖୋଲାମେଲାରେ ଝୁଲୁଛି ମାଳ ମାଳ ସରକାରୀ ବିଜ୍ଞାପନ ହୋର୍ଡିଂ। କେନ୍ଦ୍ରାପଡ଼ାର ଦୁହୁରିଆ, କଲେଜ ଛକ, ତିନିମୁହାଣି ଓ ବସଷ୍ଟାଣ୍ଡ କେଉଁଠି ବି ବାକି ନାହିଁ। ନୂଆ ବର୍ଷକୁ ୩ ମାସ ପାର୍ କଲାଣି, ହେଲେ ଅଭିନନ୍ଦନ ବ୍ୟାନର ବି ଏଯାଏଁ ହଟିପାରିନି। ତେଣେ ମୁଖ୍ୟମନ୍ତ୍ରୀଙ୍କ ଫଟୋ ଥିବା ପାନୀୟ ଜଳ, ମୁକ୍ତା ଯୋଜନା, ଘରେ ଘରେ ଲକ୍ଷ୍ମୀ ଭଳି ହୋର୍ଡିଂ ସେମିତି ସହର ସାରା ଛାଇ ରହିଛି। ଜିଲ୍ଲା ପ୍ରଶାସନର ଉଦ୍ୟମରେ କିଛି ସ୍ଥାନରୁ ବ୍ୟାନର ପୋଷ୍ଟର ହଟାଯିବା କାମ ଆରମ୍ଭ ହୋଇଛି କିନ୍ତୁ ଏତେ ମନ୍ଥର ଗତିରେ ଚାଲିଛି ଯେ, ଏ କାମ ସରିଲାବେଳକୁ ଭୋଟ୍ ସରି ଯାଇଥିବ ବୋଲି ଲୋକେ କହିଲେଣି।