ନବୀନ ନିବାସରେ ଚାଲିଛି ଟିକେଟ ସମୀକ୍ଷା, ତା ସହ ତାଳ ଦେଇ ତେଜୁଛି ବିଦ୍ରୋହ

ନବୀନ ନିବାସରେ ଚାଲିଛି ଟିକେଟ ସମୀକ୍ଷା। ତାସହ ତାଳ ଦେଇ ତେଜୁଛି ବିଦ୍ରୋହ । ରାଜ୍ୟର ପ୍ରାୟ ସବୁ ନିର୍ବାଚନ ମଣ୍ଡଳୀରେ ବିଜେଡିର ସ୍ଥିତି କିଛି ଏମିତି। ମୁଖ୍ୟମନ୍ତ୍ରୀଙ୍କ ଜିଲ୍ଲା ଗଞ୍ଜାମରେ ତ ବିଦ୍ରୋହ ଚରମ ସୀମାରେ। ଆସିକା ନିର୍ବାଚନ ମଣ୍ଡଳୀରେ ବିଧାୟିକା ମଞ୍ଜୁଳା ସ୍ୱାଇଁ ଓ ତାଙ୍କ ପୁଅ ନଚିକେତା ସ୍ୱାଇଁଙ୍କୁ ଜୋରଦାର ବିରୋଧ ଜାରି ରହିଛି। ମା-ପୁଅ ହଟାଅ ମଞ୍ଚ ଗଠନ କରି ପୁଣି ମେଳି କରିଛନ୍ତି ମଞ୍ଚର ଆବାହକ ଭବାନୀ ଶଙ୍କର ମଲ୍ଲିକ। ବିଧାୟିକା କି ତାଙ୍କ ପୁଅଙ୍କୁ ଟିକେଟ ନଦେବାକୁ ଦଳପତିଙ୍କ ନିକଟରେ ଦାବି କରିଛନ୍ତି ଅସନ୍ତୁଷ୍ଟ ଗୋଷ୍ଠୀ।