ରାତି ପାହିଲେ ଅନ୍ତିମ ପର୍ଯ୍ୟାୟ ଲଢ଼େଇ

ଆଉ ମାତ୍ର କେଇ ଘଣ୍ଟାର ଅପେକ୍ଷା ।...ଶୁଭିବ ଇଭିଏମର ଶବ୍ଦ...ପଡ଼ିବ ୨୪ ମହାସଂଗ୍ରାମର ଶେଷ ପର୍ଯ୍ୟାୟ ଭୋଟ୍ । ଏଥିପାଇଁ ବୁଥ୍ ଗୁଡ଼ିକରେ ପୋଲିଂ କର୍ମଚାରୀ ପହଞ୍ଚି ଭିଭିପ୍ୟାଟ୍, ଇଭିଏମ୍, କଣ୍ଟ୍ରୋଲ୍ ୟୁନିଟ୍ ସହ ଆବଶ୍ୟକୀୟ ସରଞ୍ଜାମକୁ ଧରି ଚୂଡ଼ାନ୍ତ ପ୍ରସ୍ତୁତିରେ ଲାଗିପଡ଼ିଛନ୍ତି । ଏହି ପର୍ଯ୍ୟାୟରେ ଚର୍ଚ୍ଚାରେ ଥିବା କେନ୍ଦ୍ରାପଡ଼ା ସହ ୬ ଲୋକସଭା ଏବଂ ଏହା ଅନ୍ତର୍ଗତ ୪୨ ବିଧାନସଭା ଆସନରେ ହେବ ମତଦାନ । ୮ଟି ଜିଲ୍ଲାର ୬ଟି ଲୋକସଭା ଆସନ ପାଇଁ ୬୬ ଓ ୪୨ ବିଧାନସଭା ଆସନ ପାଇଁ ୩୯୪ ଏହିଭଳି ମୋଟ୍ ୪୬୦ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିବେ ୯୯ ଲକ୍ଷ ୬୧ ହଜାର ଭୋଟର ।