୨୦୨୪ ପାଇଁ ବିଜେଡିର ରଣନୀତି; ଏଣିକି ନବୀନ ଓଡ଼ିଶା ନାରା

ଏଣିକି ଆଉ ବିଜୁ ନୁହେଁ, ନବୀନ ଓଡ଼ିଶା ନାରାରେ ନିର୍ବାଚନୀ ବୈତରଣୀ ପାର୍ ହେବାକୁ ବିଜେଡି ଯୋଜନା କରୁଛି । ଆସନ୍ତାକାଲି ଗୋଟିଏ ଦିନରେ ପଶ୍ଚିମ ଓଡ଼ିଶାର ୩ଟି ଜିଲ୍ଲାରେ ସଭା ଓ ରୋଡ୍ ସୋ' କରି ଏକ ପ୍ରକାର କ୍ୟାଂପେନ୍ ଆରମ୍ଭ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏଭଳି ଗସ୍ତ କାର୍ଯ୍ୟକ୍ରମ ରାଜ୍ୟରେ ଆଗୁଆ ନିର୍ବାଚନର ସଙ୍କେତ ବୋଲି ଚର୍ଚ୍ଚା ହେଉଛି । ତେବେ ନବ ଦାସ ଓ ମମିତା ମେହେର ହତ୍ୟା ଘଟଣାକୁ ନେଇ ବିଜେଡି ପଶ୍ଚିମ ଓଡିଶାରେ ବ୍ୟାକଫୁଟରେ ଥିବାରୁ ତାକୁ କଭର୍ ଅପ୍ ପାଇଁ ଏହି କାର୍ଯ୍ୟକ୍ରମ ବୋଲି ବିରୋଧୀ ଅଭିଯୋଗ କରିଛନ୍ତି ।