କଂଗ୍ରେସର ୧୨ ବିଧାୟକ ବିଧାନସଭାରୁ ୭ ଦିନ ପାଇଁ ସସପେଣ୍ଡ୍

ବିଧାନସଭାରେ ଲଗାତାର ଚରମ ବିଶୃଙ୍ଖଳା ପାଇଁ ବାଚସ୍ପତିଙ୍କ ବଡ଼ ଆକ୍ସନ । ତାରା ବାହିନୀପତି ଓ ରମେଶ ଜେନାଙ୍କୁ ଛାଡ଼ି କଂଗ୍ରେସର ୧୨ MLAଙ୍କୁ ଗୃହରୁ ସସପେଣ୍ଡ କରିଛନ୍ତି ବାଚସ୍ପତି । ଏହି ବିଧାୟକମାନଙ୍କୁ ଆସନ୍ତା ୭ଟି କାର୍ଯ୍ୟ ଦିବସ ଲାଗି ନିଲମ୍ବନ କରାଯାଇଛି । ସେପଟେ ସସପେଣ୍ଡ ସତ୍ତ୍ବେ ଗୃହ ବାହାରକୁ ନଯାଇ ନିଲମ୍ବିତ ବିଧାୟକମାନେ ବାଚସ୍ପତିଙ୍କ ପୋଡିୟମ୍ ନିକଟରେ ବସି ରହିଥିବା ବେଳେ ବାଚସ୍ପତି ଆସନ୍ତାକାଲି ଯାଏଁ ଗୃହକୁ ମୁଲତବି ଘୋଷଣା କରିଛନ୍ତି । ସେପଟେ ଏଭଳି କାର୍ଯ୍ୟାନୁଷ୍ଠାନ ପରେ ତାରା କହିଛନ୍ତି, କଂଗ୍ରେସ୍ ଡରିବାର ପ୍ରଶ୍ନ ଉଠୁନାହିଁ। ତେଣେ ବିଜେପି କହିଛି, ବାରମ୍ବାର ଗୃହରେ ଏଭଳି ଅଚଳାବସ୍ଥା ପରେ ଆଉ କିଛି ବିକଳ୍ପ ନଥିଲା ।