ହଇଜା ଛଡ଼ାଇନେଲା ତିନି ଭଉଣୀଙ୍କ ମୁଣ୍ଡ ଉପରୁ ମା’ର ହାତ

ଯେଉଁ ଜଳକୁ ଜୀବନ କୁହାଯାଏ, ସେହି ଜଳ ଏବେ ଜହର ପାଲଟିଛି ରାଉରକେଲାର ବିଭିନ୍ନ ଅଞ୍ଚଳରେ । ଥମିବାର ନାଁ ଧରୁନି ହଇଜା ମୃତ୍ୟୁ । ଆଜି ପୁଣି ଆଉ ଜଣଙ୍କର ଜୀବନ ନେଇଛି କଲେରା ରାକ୍ଷସ । ବେସରକାରୀ ଭାବେ ମୃତ୍ୟୁ ସଂଖ୍ୟା ୧୫କୁ ବଢ଼ିଥିବା କୁହାଯାଉଛି । ତେବେ କେଉଁ କାରଣରୁ କଲେରା ସଂକ୍ରମଣ ବ୍ୟାପିଲା, ତାର ପ୍ରକୃତ କାରଣ ଏବେବି ଅସ୍ପଷ୍ଟ ରହିଥିବା ବେଳେ, ଜୋରସୋରରେ ଚାଲିଛି ପାଣି ପାଇପ୍ ମରାମତି କାମ । ସେପଟେ ସାମ୍ନାକୁ ଆସୁଛି ହଇଜା ମୃତକଙ୍କ ପରିବାରରୁ ଗୋଟିକ ପରେ ଗୋଟିଏ ଲୁହ ଭିଜା ଚିତ୍ର, କୋହଭରା କାହାଣୀ ।