ଅତିଷ୍ଟ କଲାଣି ଟୁଇନ ସିଟିର ଡ୍ରେନ୍ ସମସ୍ୟା: ଏ ବର୍ଷ ବି ଜୀବନ ନେଲା ମୁକୁଳା ଡ୍ରେନ୍‌

କେତେବେଳେ ସ୍ୱରେଜ ତ ପୁଣି କେତେବେଳେ ଡ୍ରେନେଜ୍ କାମ। କେଉଁଠି ଡ୍ରେନ୍ ସଫା ହୋଇନି, ପୁଣି କେଉଁଠି ନୂଆ ଡ୍ରେନ୍ କାମ ଚାଲୁଛି। ଆଉ ଏସବୁ ଭିତରେ ବର୍ଷା ଅସରାଏରେ ଭାସୁଛି ସହର, ଦହଗଞ୍ଜ ସହରୀ ମଣିଷ। ବର୍ଷା ମାସ ଆଗରୁ କାମ ନସାରି ପ୍ରତିବର୍ଷ ବର୍ଷା ଦିନରେ ଟୁଇନ୍ସିଟି କଟକ- ଭୁବନେଶ୍ବରକୁ ଯେମିତି ବୁଡ଼ାଇ ଘାଣ୍ଟୁଛି ବ୍ୟବସ୍ଥାର ଦାୟିତ୍ବହୀନତା। ଆଉ ସମସ୍ୟା ପ୍ରତି ସରକାରୀ କଳର ସମ୍ବଦେନହୀନତା ହିଁ କଟକ ସହରରେ କାଲି ଜଣେ ଯୁବକଙ୍କ ଜୀବନ ନେଇଛି।