ଅସୁରକ୍ଷିତ ଡ୍ରେନେଜ୍ ପାଇଁ କଲବଲ ଜୀବନ; ବର୍ଷା ଜଳ ନିଷ୍କାସନ ସମସ୍ୟାରୁ ହୀନସ୍ତା ସହରୀ ମଣିଷ

ବୁଡ଼ିଯାଇଛି ରାଜରାସ୍ତା...ଭାସୁଛି ଯାନବାହନ...ଉବୁଟୁବୁ କୋଠାବାଡ଼ି...ସ୍ୱପ୍ନ ଆଉ ସଉକ ଭିତରେ ବଞ୍ଚୁଥିବା ସହରିଆଙ୍କୁ ସତେଯେମିତି ନାଲି ଆଖି ଦେଖାଇଛି ସହରୀ ବନ୍ୟା । ସ୍ମାର୍ଟସିଟି ଭୁବନେଶ୍ୱରରେ ରହୁଥିବା ଜଣେ ମହିଳାଙ୍କ ମୁହଁରୁ ଦୁର୍ଦ୍ଦଶାର କଥା କହିଲେ ନସରେ । ଅଳ୍ପକେ ଜୀବନ ସିନା ତାଙ୍କର ବଞ୍ଚିଯାଇଛି, ହେଲେ ଲହୁଲୁହାଣ ହୋଇଛନ୍ତି ସେ । ଏ ହେଲେ ନୟାପଲ୍ଲୀରେ ରହୁଥିବା ଶିକ୍ଷୟିତ୍ରୀ ସୁଜାତା ବେହେରା । ସ୍କୁଲରୁ ଫେରିବାବେଳକୁ ତାଙ୍କ ଆପାର୍ଟମେଣ୍ଟ ଅଞ୍ଚଳରେ ଲହଡ଼ି ଭାଙ୍ଗୁଥିଲା ବର୍ଷା ଜଳ ।