Last updated: 07 December 2023, 09:26 PM IST
ବଡ଼ଦାଣ୍ଡରେ ହେବାକୁ ଥିବା ଟନେଲ୍ ସଦୃଶ ସ୍ୱତନ୍ତ୍ର ବ୍ୟାରିକେଡ୍ ନିର୍ମାଣର ପୂର୍ବ ପ୍ରସ୍ତୁତି କାମ ଆଜିଠୁ ଆରମ୍ଭ ହୋଇଛି । ବ୍ୟାରିକେଡ୍ ଯନ୍ତ୍ରଣା ଲାଘବ ପାଇଁ ପ୍ରଶାସନର ଏ ଉଦ୍ୟମକୁ ଭକ୍ତ ମହଲରେ ସ୍ୱାଗତ ତ କରାଯାଇଛି । ହେଲେ ଏହା ଟନେଲ୍ ପାର୍ଶ୍ୱ ସ୍ଥାନୀୟ ବାସିନ୍ଦା ଓ ବ୍ୟବସାୟୀଙ୍କୁ ସମସ୍ୟାରେ ପକାଇବାର ଆଶଙ୍କା ଥିବାରୁ ୟାକୁ ନେଇ ବିରୋଧର ସ୍ୱର ବି ଉଠିଛି ।
ମରିଚିକୋଟ ଛକର ଏଇ ଧର୍ମଜ୍ୟୋତି ଲଜିଂଠୁ ଶ୍ରୀଜଗନ୍ନାଥ ମନ୍ଦିର ପ୍ରଶାସନ କାର୍ଯ୍ୟାଳୟ ଯାଏ ଲମ୍ବିବ ଟନେଲ ସଦୃଶ ଶୀତତାପ ନିୟନ୍ତ୍ରିତ ବ୍ୟାରିକେଡ୍ । ୧୨ ମିଟର ଚୌଡ଼ା, ୮୪ ମିଟର ଲମ୍ବ । ନିର୍ମାଣ କାମ ଆରମ୍ଭ ହେବା ପୂର୍ବରୁ ବାଉଁଶ ବନ୍ଧା ସରି କପଡ଼ା ଘେରା ଚାଲିଛି । ପରିକ୍ରମା ପ୍ରକଳ୍ପ ଲୋକାର୍ପଣର ଯଥେଷ୍ଟ ପୂର୍ବରୁ ଅର୍ଥାତ୍ ଏଇ ମାସ ୨୫ ତାରିଖ ସୁଦ୍ଧା ନିର୍ମାଣ କାମ ସାରିବାକୁ ସମୟ ଧାର୍ଯ୍ୟ ହୋଇଛି ।