ମହିଳା ଚାଷୀଙ୍କ ଚମତ୍କାର, ବିନା ସରକାରୀ ସହାୟତାରେ କ୍ଷେତରେ ଫଳାଇଲେ ସୁନାର ଫସଲ

କ୍ଷେତରେ ହସୁଛି ସୂର୍ଯ୍ୟମୁଖୀ । ବସନ୍ତ ବାଆରେ ଯେମିତି ଦୋଳି ଖେଳୁଛି ସୁନେଲି ସୂର୍ଯ୍ୟମୁଖୀ । ଆଉ ଏହି ସୂର୍ଯ୍ୟମୁଖୀ ଚାଷ କରି ଚାଷୀ ବି ହସୁଛି । ହଳଦୀ ଗୁରୁଗୁରୁ ଛନଛନିଆ ଗଛକୁ ଦେଖିଲେ ଯାହାର ବି ମନ ଲାଖିଯିବ । ବିନା ଅଭିଜ୍ଞତା, ବିନା ପରାମର୍ଶ ଏବଂ ବିନା ସରକାରୀ ସହାୟତାରେ ଚମତ୍କାର କରିଛନ୍ତି କନ୍ଧମାଳ ଫୁଲବାଣୀ ବ୍ଲକ ବୁଢ଼ାଦାନୀ ଗ୍ରାମର ୩ ମହିଳା । ନିଜର ଦେଶୀ ବୁଦ୍ଧି ବଳରେ ସୂର୍ଯ୍ୟମୁଖୀ ଚାଷ କରି ସଫଳ ହୋଇଛନ୍ତି ।