Last updated: 01 March 2024, 12:08 PM IST
ଖାଲି କଫି କି ମିଲେଟ୍ ପାଇଁ ନୁହେଁ ପାହାଡ଼ପର୍ବତ ଘେରା କୋରାପୁଟ ଜିଲ୍ଲା ଅଦା ପାଇଁ ବି ଲୋକପ୍ରିୟ..ଏଠାକାର ଶୀତଳ ଜଳବାୟୁ ଓ ଜମିର ଗୁଣବତ୍ତା ଅଦା ଚାଷ ପାଇଁ ବେଶ ଉପଯୋଗୀ.. ଜିଲ୍ଲାର ପ୍ରାୟ ୪ ହଜାର ହେକ୍ଟର ଜମିରେ ଅଦା ଚାଷ ହୋଇଥାଏ..ଆଉ ପ୍ରତି ବର୍ଷ ଉତ୍ପାଦନ ହୋଇଥାଏ ପ୍ରାୟ ୫୦ ହଜାର ମେଟ୍ରିକ୍ ଟନ୍.. ଡିସେମ୍ବର ଓ ଜାନୁୟାରୀରେ ଅଦା ଅମଳ ହୋଇଥାଏ.. ଖାସ୍ କଥାଟି ହେଲା ଏକ ଜିଲ୍ଲା ଏକ ଉତ୍ପାଦ ତାଲିକାରେ-ODOP କୋରାପୁଟର ଅଦାକୁ ସ୍ୱତନ୍ତ୍ର ମାନ୍ୟତା ମିଳିଛି.. କେନ୍ଦ୍ର ସରକାରଙ୍କ ବିଜ୍ଞାନ ଓ ପ୍ରଯୁକ୍ତିବିଦ୍ୟା ମନ୍ତ୍ରଣାଳୟ ଅଧୀନ ସେଣ୍ଟ୍ରାଲ ଫୁଡ୍ ଟେକ୍ନୋଲୋଜିକାଲ ରିସର୍ଚ୍ଚ ଇନଷ୍ଟିଚ୍ୟୁଟର ସାଇଣ୍ଟିଫିକ୍ ଏଣ୍ଡ ଇଣ୍ଡଷ୍ଟ୍ରିଆଲ ରିସର୍ଚ୍ଚ କାଉନସିଲ ପକ୍ଷରୁ ଏହି ମାନ୍ୟତା ପ୍ରଦାନ କରାଯାଇଛି..ହେଲେ ବିଡମ୍ବନା ଜିଲ୍ଲାରେ କିନ୍ତୁ ଅଦାକୁ ଅବହେଳା କରାଯାଉଛି.. ଆଡ଼ ଆଖିରେ ବି ଗୁରୁତ୍ୱ ଦିଆଯାଉନି..