ମହାନଦୀର କୋପ; ବୁଡ଼େଇଲା ହୁଳୁହୁଳା ପୋଲ, ଭସାଇଲା ୫ ପଞ୍ଚାୟତ

ହୀରାକୁଦର ୨୨ ଗେଟ୍ ଖୋଲା । ମହାନଦୀ ଫୁଲିଛି । ତଥାପି ରାଜ୍ୟରେ ବନ୍ୟା ଆଶଙ୍କା ନାହିଁ ବୋଲି ଆଜି ପୁଣି ଆଶ୍ୱାସନା ଦେଇଛନ୍ତି ଜଳସଂପଦ ବିଭାଗ ସର୍ବୋଚ୍ଚ ଯନ୍ତ୍ରୀ । ତେବେ ଚଳିତବର୍ଷ ମହାନଦୀର ଦ୍ୱିତୀୟ ବଢ଼ିରେ କିନ୍ତୁ ବୌଦ୍ଦ ଜିଲ୍ଲାର ୧୫ଗାଁ ପାଣିଘେରରେ ରହିଥିବାବେଳେ କଟକ ଜିଲ୍ଲାର ବାଙ୍କୀ, ଆଠଗଡ଼ ଓ ବଡ଼ମ୍ବା ଅଞ୍ଚଳରେ ବ୍ୟାପକ ଫସଲ ନଷ୍ଟ ସହ କିଛି ଗାଁକୁ ଯୋଗାଯୋଗ ବିଚ୍ଛିନ୍ନ ହୋଇଛି ।