ଲଗାଣ ବର୍ଷାରେ ବେହାଲ ବଲାଙ୍ଗିର-ବ୍ରହ୍ମପୁର ! ରାସ୍ତାରେ ଅଣ୍ଟାଏ, ଘରେ ଆଣ୍ଠୁଏ

ରାସ୍ତାରେ ଅଣ୍ଟାଏ, ଘରେ ଆଣ୍ଠୁଏ । ବାହାରେ ଆକ୍ତାମାକ୍ତା, ଭିତରେ ନାକେଦମ୍ । ପଶ୍ଚିମ ଓ ଦକ୍ଷିଣ ଓଡ଼ିଶାରେ କିଛି ଜିଲ୍ଲାରେ ଗତକାଲିଠୁ ବର୍ଷା ପରେ ଏମିତି ରହିଛି ବଲାଙ୍ଗିର ସହରର ସ୍ଥିତି । ବଲାଙ୍ଗିର ସହରର ମାଲପଡ଼ା ଅଞ୍ଚଳରେ କାଲି ରାତିରେ ପ୍ରବଳ ବର୍ଷା ପରେ ହଠାତ ଲୋକଙ୍କ ଘର ଭିତରକୁ ପଶି ଆସିଥିଲା ପାଣି । ପାଣିର ସୁଅ ଏତେ ପ୍ରଖର ଥିଲା ଯେ ଘରର ଆସବାବପତ୍ର କିମ୍ବା ଜରୁରୀ ଜିନିଷପତ୍ର ସଜାଡ଼ି ରଖିବାକୁ ବି ତର ମିଳିଲାନି ।