କେବେ ଖୋଲିବ ଶ୍ରୀମନ୍ଦିରର ସବୁ ଦ୍ୱାର ? ଗର୍ଜିଲେଣି ସେବାୟତ

ବିତିଗଲା ୩ ବର୍ଷ । ସାଧାରଣ ଭକ୍ତ ଓ ପୁରୀବାସୀଙ୍କ ପ୍ରବେଶ ପାଇଁ ଫିଟିପାରିଲା ନାହିଁ ଶ୍ରୀମନ୍ଦିରର ସମସ୍ତ ଦୁଆର। କେବଳ ସିଂହଦ୍ୱାର ଦେଇ ପ୍ରବେଶ ବ୍ୟବସ୍ଥା ଯୋଗୁଁ ରୁନ୍ଧି ହେଉଛନ୍ତି ଭକ୍ତ ଓ ପୁରୀ ବାସିନ୍ଦା । ଏହାକୁ ନେଇ ଭକ୍ତଙ୍କ ଅସନ୍ତୋଷ ପରେ ଏବେ ଖଡଗହସ୍ତ ସେବାୟତ । କହିଛନ୍ତି, ଶ୍ରୀମନ୍ଦିର ଭିତରେ ପୁଳାପୁଳା ଅସାଧୁ କର୍ମଚାରୀ ଟଙ୍କା ନେଇ ଭକ୍ତଙ୍କୁ ଘଣ୍ଟିଦ୍ୱାର ଦେଇ ଛାଡୁଛନ୍ତି । ତେବେ ଶ୍ରୀମନ୍ଦିର ମୁଖ୍ୟ ପ୍ରଶାସକ କହିଛନ୍ତି, ତୁରନ୍ତ ଏହାର ଅନୁଧ୍ୟାନ କରିବା ସହ ଚଳିତ ମାସ ଶେଷ ସୁଦ୍ଧା ଚାରି ଦୁଆର ଦେଇ ଦର୍ଶନ ବ୍ୟବସ୍ଥା ନେଇ ପଦକ୍ଷେପ ନିଆଯିବ ।