ଅଭାବୀ ଡାକ୍ତରୀ ଛାତ୍ରଛାତ୍ରୀଙ୍କ ସ୍ୱପ୍ନ ସାକାର କରୁଛି ‘ଅତୁଟ ବନ୍ଧନ’

କିଏ ତାଙ୍କୁ ପିତୃତୂଲ୍ୟ ବୋଲି କହୁଛନ୍ତି ତ ଆଉ କିଏ ତାଙ୍କ ପ୍ରତି କୃତଜ୍ଞତା ଜଣାଉଛନ୍ତି । ଯାହାଙ୍କ ବିଷୟରେ ଚର୍ଚ୍ଚା କଲାବେଳେ ଲୋକଙ୍କ ହୃଦୟରେ ବିରାଜିତ ହୋଇଯାଉଛନ୍ତି ଦେବଦୂତ ଭଳି। କାରଣ ଡାକ୍ତର ହେବାର ସ୍ୱପ୍ନ ଭିତରେ ଅଭାବର ଶିକୁଳି ଛିଣ୍ଡାଇ ଆର୍ଥିକ ସହାୟତାର ମାଧ୍ୟମ ସାଜିଛନ୍ତି ସେ । ଆଉ ସେ ହେଉଛନ୍ତି ପ୍ରୀତୀଶ ଚନ୍ଦ୍ର ବାସା । ଅତୁଟ ବନ୍ଧନ ନାଁରେ ଅନୁଷ୍ଠାନ ତ ନୁହେଁ, ଏକ ପରିବାର ତିଆରି କରି ମେଧାବୀ ଆଉ ଅଭାବୀ ଡାକ୍ତରୀ ଛାତ୍ରଛାତ୍ରୀଙ୍କ ଭାଗ୍ୟ ଓ ଭବିଷ୍ୟତର ନିର୍ମାତା ସାଜିଛନ୍ତି ।