ବକ୍ସିଂ କରି ଗୋଲ୍ଡ ମେଡାଲ ପାଇଥିଲେ ଏବେ ଚା ବିକୁଛନ୍ତି

ଜୀବନର ବହୁ ମୂଲ୍ୟବାନ ସମୟ ସେ ବକ୍ସିଂ ପାଇଁ ଦେଇଥିଲେ। ସାରା ଦେଶରେ ନାଁ କରିଥିଲେ। ଜାତୀୟ ସ୍ତରରେ ଖେଳି ଗୋଲ୍ଡ ମେଡାଲ୍ ଜିତିଥିଲେ। ବେଷ୍ଟ ବକ୍ସର ଆୱାର୍ଡ ପାଇଥିଲେ। ହେଲେ ଆଜି ସେସବୁ ତୁଚ୍ଛ ! ଏବେ ସ୍ତ୍ରୀ ଶଯ୍ୟାଶାୟୀ, ଘରେ ଖାଇବାକୁ ବି ନାହିଁ,ଋଣ କରି ଝିଅକୁ ପଢ଼ାଉଛନ୍ତି ପାଠ । ଆଉ ଏମାନଙ୍କୁ ଚଳେଇବାକୁ ନିଜେ ଚା ବିକୁଛନ୍ତି ରାଉରକେଲାର ରାମେଶ୍ୱର ରାଏ । ଜାତୀୟସ୍ତରର ବକ୍ସର ଆଜି ଚା ଦୋକାନୀ ।