ନବ ଦାସ ମର୍ଡର ମିଷ୍ଟ୍ରିକୁ ପୂରିଲା ୩ ମାସ, ହେଲେ ସାମ୍ନାକୁ ଆସିପାରିଲାନି ହତ୍ୟା ପଛର ମୋଟିଭ୍

ପ୍ରଭାବଶାଳୀ ମନ୍ତ୍ରୀ ନବ ଦାସ ହତ୍ୟାକାଣ୍ଡକୁ ପୂରିଲା ୩ ମାସ। କାରଣ ଜାଣିବାକୁ କ୍ରାଇମବ୍ରାଞ୍ଚ ତଦନ୍ତଠୁ ଆମେରିକୀୟ ତଦନ୍ତକାରୀ ସଂସ୍ଥା FBI ଯାଏଁ କଥା ଉଠିଲା। ହେଲେ କାଣିଚାଏ ବି ଜଣାପଡ଼ିଲାନି, ଏହି ଜଘନ୍ୟ ଅପରାଧ ପଛର ସତ କ’ଣ। କାହିଁକି ମାରିଲା ଅଭିଯୁକ୍ତ ଗୋପାଳ ଦାସ, ତା’ ମନକଥା ପଢ଼ିବାକୁ କେତେ କ’ଣ ପଦକ୍ଷେପ ନିଆଗଲା। ହେଲେ ହତ୍ୟାର କାରଣକୁ ନେଇ ଅସମ୍ଭବ ନୀରବତା ଅବଲମ୍ବନ କରୁଛି ପୋଲିସ। ଭଗବାନ ଭରସାରେ ଥିବା ଝିଅ ଦିପାଳୀ ବି ହତ୍ୟାକାଣ୍ଡକୁ ବିଧିର ବିଧାନ କହି ଏଡ଼ାଇ ଯାଉଥିବାବେଳେ ଏହାକୁ କିନ୍ତୁ ପ୍ରସଙ୍ଗ କରିଛନ୍ତି ବିରୋଧୀ।