ହୀରା ବ୍ୟବସାୟୀଙ୍କ ଝିଅକୁ ବୋହୂ କରିବେ ମୁକେଶ ଅମ୍ବାନୀ!

ମୁମ୍ବାଇ: ଖୁବ୍‌ଶୀଘ୍ର ଶିଳ୍ପପତି ମୁକେଶ ଅମ୍ବାନୀଙ୍କ ଘରେ ସାହାନାଇ ଶବ୍ଦ ଶୁଣିବାକୁ ମିଳିବ। କାହିଁକି ନା ମୁକେଶଙ୍କ ବଡ଼ ପୁଅ ଆକାଶ ଅମ୍ବାନୀ ତାଙ୍କ ପିଲା ବେଳର ସାଙ୍ଗ ଶ୍ଲୋକ ମେହଟ୍ଟାଙ୍କୁ ବାହା ହେବାକୁ ଯାଉଛନ୍ତି।

ଆଉ ମାତ୍ର କିଛିଦିନ ପରେ ଆକାଶ ଓ ଶ୍ଲୋକଙ୍କ ନିର୍ବଦ୍ଧ ହେବାକୁ ଯାଉଛି। ଯାହାର ପୂରା ପ୍ରସ୍ତୁତିରେ ଉଭୟ ପରିବାର ଲାଗିପଡ଼ିଛନ୍ତି। ପରମ୍ପରା ଅନୁସାରେ ନିର୍ବନ୍ଧର ନିମନ୍ତ୍ରଣ କାର୍ଡ଼ ନେଇ ମାଆ ନୀତା ଅମ୍ବାନୀ ମୁମ୍ବାଇର ସିଦ୍ଧିବିନାୟକ ମନ୍ଦିରକୁ ଯାଇଥିବା ଜଣାପଡ଼ିଛି।

୨ମାସ ପୂର୍ବରୁ ଅମ୍ବାନୀଙ୍କ ପରିବାରକୁ ଏକାଠି ସିଦ୍ଧିବିନାୟକ ମନ୍ଦିରରେ ଦେଖିବାକୁ ମିଳିଥିଲା। ଗୋଆରେ ଆକାଶ ଓ ଶ୍ଲୋକଙ୍କ ଏକ ଏନ୍‌ଗେଜ୍‌ମେଣ୍ଟ ଫଟୋ ଭାଇରାଲ ହେବାପରେ ସୋସିଆଲ ମିଡ଼ିଆରେ ଚର୍ଚ୍ଚା ଜୋର ଧରିଥିଲା।

ଜୁନ୍‌ ୩୦ରେ ଆକାଶ ଓ ଶ୍ଲୋକଙ୍କ ନିର୍ବଦ୍ଧ ହେବ ବୋଲି ଜଣାପଡ଼ିଛି। ନିର୍ବଦ୍ଧରେ ଅତିଥିଙ୍କୁ ନିମନ୍ତ୍ରଣ ପାଇଁ ଆକାଶ ଓ ଶ୍ଲୋକଙ୍କୁ ନେଇ ଏକ ଭିଡ଼ିଓ କରାଯାଇଛି। ୧ମିନିଟ୍‌ର ଏହି ଭିଡ଼ିଓରେ ବଲିଉଡ଼ର ପ୍ରସିଦ୍ଧ ଏକ ଗୀତ ସହ ଉଭୟଙ୍କ ଫଟୋ ରଖାଯାଇଛି।

ଗତ ମାର୍ଚ୍ଚରେ ଉଭୟଙ୍କ ନିର୍ବଦ୍ଧ ସରିଥିବା ଶୁଣିବାକୁ ମିଳିଥିଲା। ଏପରିକି ନିର୍ବଦ୍ଧ ସରିବା ମାତ୍ରକେ  ମୁମ୍ବାଇର ସିଦ୍ଧି ବିନାୟକ ମନ୍ଦିରରେ ଆକାଶ ଓ ଅମ୍ବାନୀ ପରିବାର ସହ ଶ୍ଲୋକଙ୍କୁ ଦେଖିବାକୁ ମିଳିଥିଲା। ଏହାପରେ ମୁମ୍ବାଇରେ ଏକ ପାର୍ଟିର ଆୟୋଜନ ମଧ୍ୟ କରାଯାଇଥିଲା, ଯେଉଁଥିରେ ବଲିଉଡ୍‌ ପ୍ରସିଦ୍ଧ କଳାକାରମାନଙ୍କୁ ଦେଖିବାକୁ ମିଳିଥିଲା।

ଶ୍ଲୋକ ହେଉଛନ୍ତି ପ୍ରସିଦ୍ଧ ହୀରା ବ୍ୟବସାୟୀ ରସେଲ ମେହଟ୍ଟା ଓ ମୋନା ମେହଟ୍ଟାଙ୍କ ଝିଅ। ଆସନ୍ତା ଡିସେମ୍ବରରେ ଉଭୟଙ୍କ ବିବାହ ହେବବୋଲି ଜଣାପଡ଼ିଛି।