AI Controlled City: ତିଆରି ହେଉଛି ଭାରତର ପ୍ରଥମ ଏଆଇ ସହର, ମିଳିବ ଏହି ସବୁ ସୁବିଧା...ଜାଣିଲେ ହୋସ୍ ଉଡ଼ିଯିବ

ଆପଣ କେବେ ଏପରି ଏକ ସହରର କଳ୍ପନା କରିଛନ୍ତି କି ଯାହା ପୂରାପୂରି AI ଦ୍ୱାରା ଚାଲିବ? କେରଳ ଏହି ସ୍ୱପ୍ନକୁ ସତ କରିବା ଦିଗରେ ଆଗେଇ ଚାଲିଛି। ମନ୍ତ୍ରୀ ପି. ରାଜୀବ ଇନ୍ଫୋପାର୍କ ଫେଜ୍ ୩ର ଯୋଜନା ବିଷୟରେ କହିଛନ୍ତି, ଯାହାକୁ ଭାରତର ପ୍ରଥମ AI ନିୟନ୍ତ୍ରିତ ସହର ଭାବେ ତିଆରି କରାଯାଉଛି। ଇନ୍ଫୋପାର୍କ ଫେଜ୍ ୩କୁ ଏପରି ଏକ ସହର ଭାବେ ବିକଶିତ କରାଯାଉଛି, ଯେଉଁଠାରେ ସମସ୍ତ ଆବଶ୍ୟକୀୟ ସେବା AI ମାଧ୍ୟମରେ ଚାଲିବ। ମନ୍ତ୍ରୀ ପି. ରାଜୀବ କହିଛନ୍ତି, 'ଏହା ଏକ AI ସହର ହେବ, ଯେଉଁଠାରେ ସ୍ମାର୍ଟ ସୁବିଧା ଏବଂ ଭିତ୍ତିଭୂମି AI ସାହାଯ୍ୟରେ କାର୍ଯ୍ୟ କରିବ।' ଏହି ସହରରେ ସିଟି ବ୍ରେନ ନାମକ ଏକ ବିଶେଷ ସିଷ୍ଟମ ରହିବ, ଯାହା ସହରର ମୁଖ୍ୟ କେନ୍ଦ୍ର ହେବ। ଏହା ସେନ୍ସର ଏବଂ କ୍ୟାମେରା ମାଧ୍ୟମରେ ତଥ୍ୟ ସଂଗ୍ରହ କରିବ, ତାହାର ବିଶ୍ଳେଷଣ କରିବ ଏବଂ ସହରକୁ ସୁଗମ ଭାବେ ଚଳାଇବ। ଏହି ସିଷ୍ଟମ ସମୟ ସହିତ ଆହୁରି ଉନ୍ନତ ହେବ।

AI ସହରରେ କ’ଣ ସୁବିଧା?

ଏହା ଭାରତର ପ୍ରଥମ AI ନିୟନ୍ତ୍ରିତ ସହର ହେବ, ଯାହାକୁ ବିଶ୍ୱସ୍ତରୀୟ ଟେକ୍ନୋଲୋଜି କେନ୍ଦ୍ର ଭାବେ ଗଢ଼ି ତୋଳାଯିବ। ଏହା ସାଧାରଣ IT ପାର୍କଠାରୁ ଭିନ୍ନ ହେବ, କାରଣ ଏଥିରେ IT ସୁବିଧା ସହିତ ରହଣି ସ୍ଥାନ ଏବଂ ବ୍ୟବସାୟ କ୍ଷେତ୍ର ମଧ୍ୟ ରହିବ। ସମସ୍ତ କାର୍ଯ୍ୟ AI ସାହାଯ୍ୟରେ ହେବ। ଏହି ସହରରେ ଘର, ବିଦ୍ୟାଳୟ, ହସ୍ପିଟାଲ, ଏକ ଆମ୍ଫିଥିଏଟର ଏବଂ ମଲ୍ଟି-ଲେଭେଲ ପାର୍କିଂ ଭଳି ସୁବିଧା ରହିବ। ଏକ ଡିଜିଟାଲ ପ୍ଲାଟଫର୍ମ ସମସ୍ତ ସେବାକୁ ନିୟନ୍ତ୍ରଣ କରିବ, ଯାହା ସମସ୍ୟାଗୁଡ଼ିକୁ ଶୀଘ୍ର ଚିହ୍ନଟ କରି ସମାଧାନ କରିବ।

AI ସହରରେ ଏହା ସବୁ ମଧ୍ୟ ରହିବ

ଏହି ସହର ପରିବେଶ ଅନୁକୂଳ ଏବଂ କାର୍ବନ ନେଗେଟିଭ ହେବ। AI ସାହାଯ୍ୟରେ ପରିବହନ, ବର୍ଜ୍ୟ ପରିଚାଳନା, ବର୍ଷା ଜଳ ସଂଗ୍ରହ ଏବଂ ଜଳର ପୁନଃବ୍ୟବହାର କରାଯିବ। ଏହା ସହିତ, ଉନ୍ନତ ନିରୀକ୍ଷଣ ସିଷ୍ଟମ ଦ୍ୱାରା ସୁରକ୍ଷା ସୁନିଶ୍ଚିତ କରାଯିବ। AI ଟେକ୍ନୋଲୋଜି ସହରର ଦୀର୍ଘମିଆଦୀ ଯୋଜନା ତିଆରିରେ ମଧ୍ୟ ସାହାଯ୍ୟ କରିବ, ଯାହା ଏହାକୁ ଭବିଷ୍ୟତ ପାଇଁ ପ୍ରସ୍ତୁତ ରଖିବ।

ଏତେ ରୋଜଗାର ସୃଷ୍ଟି ହେବ

ଏହି ପ୍ରକଳ୍ପର ଲକ୍ଷ୍ୟ କେରଳରେ ବିଶ୍ୱସ୍ତରୀୟ ଟେକ୍ କମ୍ପାନୀଗୁଡ଼ିକୁ ଆକର୍ଷିତ କରିବା। ଅନେକ ବଡ଼ କମ୍ପାନୀ ଏହି ସହରରେ ନିଜର ଗ୍ଲୋବାଲ କ୍ୟାପାବିଲିଟି ସେନ୍ଟର ଖୋଲି ପାରନ୍ତି। ଏହି ପ୍ରକଳ୍ପରେ ପ୍ରାୟ ୨୫,୦୦୦ କୋଟି ଟଙ୍କାର ନିବେଶ ହେବ, ଯାହାଦ୍ୱାରା ୨ ଲକ୍ଷ ପ୍ରତ୍ୟେକ୍ଷ ଏବଂ ୬ ଲକ୍ଷ ପରୋକ୍ଷ ରୋଜଗାର ସୁଯୋଗ ସୃଷ୍ଟି ହେବ। ଏହା କେରଳ ଏବଂ ସମଗ୍ର ଭାରତର ଅର୍ଥନୀତି ପାଇଁ ଏକ ବଡ଼ ପଦକ୍ଷେପ।