Smartphone Is a Treasure of Precious Metals: ଆପଣଙ୍କ ସ୍ମାର୍ଟଫୋନ୍ ଭିତରେ ଲୁଚି ରହିଛି ସୁନା, ରୁପା ଆହୁରି ଅନେକ ମୂଲ୍ୟବାନ ଜିନିଷ

ଆପଣ କେବେ ଭାବିଛନ୍ତି କି ଆପଣ ପ୍ରତିଦିନ ଧରୁଥିବା ସ୍ମାର୍ଟଫୋନ୍ କେବଳ ପ୍ରଯୁକ୍ତିର ଏକ ଚମତ୍କାର ନୁହେଁ, ବରଂ ଧାତୁର ଏକ ଛୋଟ ଖଣି ମଧ୍ୟ? ଏଥିରେ ଭରି ରହିଛି ଅନେକ ମୂଲ୍ୟବାନ ଏବଂ ବିଶେଷ ଧାତୁ। ଏହି ଛୋଟ ଫୋନ୍ ଭିତରେ ଲୁଚି ରହିଛି ସୁନା, ରୂପା ଠାରୁ ଆରମ୍ଭ କରି ଲିଥିୟମ ଭଳି ଧାତୁ। ଏହି କାରଣରୁ ଫୋନଟି ଖୁବ୍ ହାଲୁକା ହୋଇଥାଏ।

ସାଧାରଣତଃ, ସ୍ମାର୍ଟଫୋନର ଫ୍ରେମ୍ ଆଲୁମିନିୟମରେ ତିଆରି ହୋଇଥାଏ, ଯାହା ଫୋନକୁ ଶକ୍ତି ଦେଇଥାଏ ଏବଂ ପଡ଼ିଗଲେ ଏତେ ସହଜରେ ଭାଙ୍ଗି ନଥାଏ। ସେହିଭଳି ମ୍ୟାଗ୍ନେସିୟମ ଭଳି ହାଲୁକା ଧାତୁର ବ୍ୟବହାର ଫୋନର ଓଜନ କମ ରଖିବାରେ ସାହାଯ୍ୟ କରେ। ଏହା ବ୍ୟତୀତ, ଫୋନ ଭିତରେ ଥିବା ଛୋଟ ଛୋଟ ସ୍କ୍ରୁ ଏବଂ ସପୋର୍ଟ ଷ୍ଟ୍ରକଚର ପାଇଁ ଷ୍ଟିଲ୍ ବ୍ୟବହାର କରାଯାଏ, ଯାହା ସମସ୍ତ ଅଂଶକୁ ଦୃଢ଼ ଭାବରେ ଯୋଡିଥାଏ।

ତେବେ ଫୋନର ପ୍ରକୃତ ଧନ ଏହାର ସର୍କିଟରେ ରହିଛି। ସର୍କିଟ ବୋର୍ଡ ତିଆରି କରିବା ପାଇଁ ତମ୍ବା ବ୍ୟବହୃତ ହୁଏ କାରଣ ଏହା ଶୀଘ୍ର ଏବଂ ସଠିକ୍ ଭାବରେ ବିଦ୍ୟୁତ୍ ପରିଚାଳନା କରେ।

ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି, ସର୍କିଟ୍‌ର କିଛି ଅଂଶ ସୁନା ଏବଂ ରୂପାର ଏକ ପତଳା ସ୍ତରରେ ଆବୃତ ହୋଇଥାଏ। ସୁନା ବ୍ୟବହାର କରାଯାଏ କାରଣ ଏହା କ୍ଷୟକୁ ପ୍ରତିରୋଧ କରେ, ଫଳରେ ଫୋନ ଅଧିକ ଦିନ ଠିକ୍ ରହିଥାଏ। ରୂପା ମଧ୍ୟ ଏକ ଉତ୍କୃଷ୍ଟ ବିଦ୍ୟୁର ପରିବାହୀ, ତେଣୁ ଏହାକୁ ସିଗନାଲ ଏବଂ କନେକ୍ଟକୁ ଉନ୍ନତ କରିବା ପାଇଁ ବ୍ୟବହୃତ ହୁଏ।
ସେହିପରି ବ୍ୟାଟେରୀରେ ଲିଥିୟମ୍ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରେ। ଆଜିକାଲି ପ୍ରାୟ ପ୍ରତ୍ୟେକ ସ୍ମାର୍ଟଫୋନରେ ଲିଥିୟମ୍-ଆୟନ ବ୍ୟାଟେରୀ ରହିଛି, ଯାହା ଅଧିକ ଶକ୍ତି ସଂରକ୍ଷଣ କରେ ଏବଂ ହାଲୁକା ଏବଂ ସ୍ଥାୟୀ ହୋଇଥାଏ। ଏହି କାରଣରୁ ଫୋନଟି ଘଣ୍ଟା ଘଣ୍ଟା ପର୍ଯ୍ୟନ୍ତ ଚାଲିପାରେ ଏବଂ ବାରମ୍ବାର ଚାର୍ଜ କରିବାର ଆବଶ୍ୟକତା ହୁଏ ନାହିଁ।

ଫୋନର ସ୍ପିକର ଏବଂ ଭାଇବ୍ରେସନ୍ ମୋଟରଗୁଡ଼ିକ ମଧ୍ୟ ବିଶେଷ ଧାତୁ ବିନା କାମ କରିପାରିବ ନାହିଁ। ଏଥିରେ ନିଓଡିମିୟମ୍ ନାମକ ଧାତୁରୁ ତିଆରି କ୍ଷୁଦ୍ର କିନ୍ତୁ ଶକ୍ତିଶାଳୀ ଚୁମ୍ବକ ଥାଏ। ଏହି ଚୁମ୍ବକଗୁଡ଼ିକ କେବଳ ଶବ୍ଦକୁ ସ୍ପଷ୍ଟ ଏବଂ ଜୋର କରେ ନାହିଁ ବରଂ ଫୋନର ଭାଇବ୍ରେସନକୁ ମଧ୍ୟ ପ୍ରଭାବଶାଳୀ କରିଥାଏ।