Unstoppable India! ଅପରାଜେୟ ଟିମ୍ ଇଣ୍ଡିଆ, ଲଗାତାର ୪ଟି ମ୍ୟାଚ୍ ଜିତି ଟେବୁଲ୍ ଟପ୍ପର୍ ଭାରତ

ଅପରାଜେୟ ଇଣ୍ଡିଆ । T-20 ବିଶ୍ବକପରେ ବିଜୟ ଧାରା ଜାରି ରଖିବା ସହିତ ଶେଷ ଲିଗ୍ ମ୍ୟାଚରେ ରୋମାଞ୍ଚକର ବିଜୟ ହାସଲ କରିଛି ଭାରତ । ଗତକାଲି ନେଦରଲାଣ୍ଡସକୁ ୧୭ ରନରେ ହରାଇ ଗୃପ୍ A ଟେବୁଲ୍ ଟପ୍ପର ହୋଇଛି ସୂର୍ଯ୍ୟସେନା । ତେବେ ନେଦରଲାଣ୍ଡସ୍ ବିରୋଧରେ ପୁଣିଥରେ ଓପନିଂ ବିଫଳତାର ସମ୍ମୁଖୀନ ହୋଇଥିଲା ଭାରତ। 

ଅଭିଷେକ ଶର୍ମା ଶୂନ ରନରେ ପାଭିଲିୟନ ଫେରିଥିଲେ । ଈଶାନ କିଷନ ମଧ୍ୟ ୧୮ ରନରେ ଆଉଟ୍  ହୋଇଯାଇଥିଲେ । ତେବେ ଶିବମ ଦୁବେଙ୍କ ଦମଦାର ୬୧, ତିଳକ ବର୍ମାଙ୍କ ୩୧ ଓ କ୍ୟାପଟେନ୍ ସୂର୍ଯ୍ୟକୁମାର ଯାଦବଙ୍କ୩୪ ଦଳର ରନ ରୋଟକୁ ଆଗକୁ ବଢାଇଥିଲା । ଶେଷରେ ହାର୍ଦିକ ପାଣ୍ଡ୍ୟା ୩୦ ରନ ବଳରେ ଭାରତ ୬ ୱିକେଟ୍ ହରାଇ ୧୯୩ ରନ୍  କରିପାରିଥିଲା । 

୧୯୪ ରନର ବିଜୟ ଲକ୍ଷ୍ୟ ନେଇ ପଡ଼ିଆକୁ ଓହ୍ଲାଇଥିଲା ନେଦରଲାଣ୍ଡସ ଶେଷ ପର୍ଯ୍ୟନ୍ତ ଲଢ଼ିଥିଲା । ଶେଷରେ ୭ ୱିକେଟ୍ ହରାଇ ୧୭୬ ରନରେ ଅଟକି ଯାଇଥିଲା । ବରୁଣ ଚକ୍ରବର୍ତ୍ତୀ ତିନିଟି ୱିକେଟ୍  ନେଇଥିବାବେଳେ ଅଲରାଉଣ୍ଡର ଇନିଂସ ପାଇଁ ଶିବମ୍ ଦୁବେ ମ୍ୟାନ୍ ଅଫ ଦି ମ୍ୟାଚ୍ ବିବେଚିତ ହୋଇଛନ୍ତି।