ପ୍ରଶଂସକ ଭଙ୍ଗା ମୋବାଇଲରେ ତିଆରି କଲେ କୋହଲିଙ୍କ ପ୍ରତିମୂର୍ତ୍ତି

ଗୌହାଟି : ବିରାଟଙ୍କ ଆଉ ଜଣେ ଜବରା ଫ୍ୟାନ୍‌। ଭଙ୍ଗା ମୋବାଇଲରେ ତିଆରି କଲେ ବିରାଟ କୋହଲିଙ୍କ ପ୍ରତିମୂର୍ତ୍ତି । ଆପଣ ଦେଖିଲେ ଆଶ୍ଚର୍ଯ୍ୟ ହେବେ । ଏହି ଫଟୋଟି ପେନସିଲ୍ କିମ୍ବା ତୁଳୀରେ ତିଆରି କରାଯାଇନାହିଁ । ସାମ୍ନାରୁ ଦେଖିଲେ ଲାଗୁଛି ସତେ ଯେମିତି ପେନସିଲ୍ କିମ୍ବା ତୁଳୀରେ ତିଆରି ହୋଇଛି ବିରାଟଙ୍କ ପ୍ରତିମୂର୍ତ୍ତି ।

ହେଲେ ଯଦି ଏହାକୁ ଯେ କୌଣସି ଏକ ପାର୍ଶ୍ୱ କିମ୍ବା ନିକଟରୁ ଦେଖିବେ ତେବେ ଜାଣିପାରିବେ ଏହା ମୋବାଇଲରେ ତିଆରି ହୋଇଛି । ଭଙ୍ଗା ଓ ପୁରୁଣା ମୋବାଇଲ ସଂଗ୍ରହ କରି ପ୍ରତିମୂର୍ତ୍ତିକୁ ତିଆରି କରିଛନ୍ତି ଗୌହାଟିର ରାହୁଲ ପ୍ରତିକ ନାମକ ଜଣେ ବିରାଟ କୋହଲିଙ୍କ ଫ୍ୟାନ୍ ।

View this post on Instagram

Portrait of @virat.kohli using old phones. How is that for fan love! ?? #TeamIndia

A post shared by Team India (@indiancricketteam) on Jan 4, 2020 at 8:59pm PST

ଆଜିଠୁ ଗୌହାଟିରେ ଆରମ୍ଭ ହେଉଥିବା ପ୍ରଥମ ଟି-୨୦ ପୂର୍ବରୁ ରାହୁଲ ପ୍ରତିମୂର୍ତ୍ତିକୁ ଦେଖାଇ ବିରାଟଙ୍କୁ ସର୍‌ପ୍ରାଇଜ୍ ଦେଇଛନ୍ତି । ଗୌହାଟିରେ ରହୁଥିବା ରାହୁଲ ଏହି ପ୍ରତିମୂର୍ତ୍ତିକୁ ତିଆରି କରିବା ପାଇଁ ୬ ଦିନ ସମୟ ନେଇଥିଲେ । କ୍ୟାପଟେନ ବିରାଟ କୋହଲି ପ୍ରତିମୂର୍ତ୍ତିରେ ଅଟୋଗ୍ରାଫ ଦେବା ସହ ରାହୁଲଙ୍କୁ ପ୍ରଶଂସା କରିଛନ୍ତି।