ବ୍ଲାକ୍ ହୋଲ୍‌ରେ ଝଡ : ଘଣ୍ଟା ପ୍ରତି ୧୧ଲକ୍ଷ ମାଇଲ

ନୂଆଦିଲ୍ଲୀ : ପୃଥିବୀଠାରୁ ୧୩.୧ ବିଲିୟନ ଆଲୋକବର୍ଷ ଦୂରରେ ଥିବା ବ୍ଲାକ୍ ହୋଲ୍‌ରେ ଏକ ଝଡ ଉଠୁଥିବା ଦେଖାଯାଉଛି। ଏଥିରୁ ବାହାରୁଥିବା ପବନ ଘଣ୍ଟା ପ୍ରତି ୧୧ଲକ୍ଷ ମାଇଲ ବେଗରେ ପ୍ରବାହିତ ହେଉଛି।

ସ୍ପେସ୍ ନ୍ୟୁଜ୍ ସମ୍ବାଦ ଅନୁଯାୟୀ ଚିଲିରେ ଥିବା ଆଟାକାମା ଲାର୍ଜ ମିଲିମିଟର / ସବ୍‌ମିଲିମିଟର ଆରେ (ALMA) ର ଅନୁସନ୍ଧାନକାରୀମାନେ ଏହି ପବନକୁ ଆବିଷ୍କାର କରିଛନ୍ତି। ବିଗ୍ ବ୍ୟାଙ୍ଗ୍‌ର ୮୦୦ ନିୟୁତ ବର୍ଷ ପରେ ଏହି ପବନ ଦେଖାଦେଇଛି। ଏହି ଝଡ଼ର ଆକାର ଆମ ସୂର୍ଯ୍ୟଙ୍କ ଆକାରଠାରୁ କୋଟି କୋଟି ଗୁଣ ଅଧିକ ବୋଲି କୁହାଯାଉଛି। ଅନୁସନ୍ଧାନକାରୀ ଦଳ କହିଛନ୍ତି ଯେ ସୂର୍ଯ୍ୟଙ୍କଠାରୁ କୋଟି କୋଟି ଗୁଣ ବଡ଼ ବ୍ଲାକ୍ ହୋଲ୍‌ରୁ ଉତ୍ପନ୍ନ ଏପରି ଝଡ଼ର ଏହା ହେଉଛି ପ୍ରଥମ ଉଦାହରଣ।

ସ୍ପେସ୍ ନ୍ୟୁଜ୍ ସମ୍ବାଦ ଅନୁଯାୟୀ, ବ୍ଲାକ୍ ହୋଲ୍‌ର ପରିମାଣ ଗାଲାକ୍ସିର କେନ୍ଦ୍ର ଅନୁପାତ ସହିତ ସମାନ। ପରସ୍ପରର ବିକାଶ ପାଇଁ ଉଭୟ ଦାୟୀ। ଏହି ପରିସ୍ଥିତିରେ, ଏପରି ଝଡ଼ ପବନ ମଧ୍ୟ ସମାନ ହୋଇଥାଏ।

ମହାବିଶାଳ ବ୍ଲାକ୍ ହୋଲ୍‌ ବହୁ ପରିମାଣର ପଦାର୍ଥକୁ ଗ୍ରାସ କରିନିଏ। ଯେତେବେଳେ ବ୍ଲାକ୍ ହୋଲ୍‌ର ମାଧ୍ୟାକର୍ଷଣ ହେତୁ ଏହି ପଦାର୍ଥ ତ୍ୱରାନ୍ୱିତ ହୁଏ, ଏଥିରୁ ଶକ୍ତି ପ୍ରକଟିତ ହୁଏ ଯାହା ବାହାରକୁ ଯାଇପାରେ ଏବଂ ଏହା ଏହି ପବନରେ ସୃଷ୍ଟି ହୋଇପାରେ।

ଏଠାରେ ପ୍ରକାଶ ଥାଉକି ସୁବାରୁ ଟେଲିସ୍କୋପର ପ୍ରଶସ୍ତ କ୍ଷେତ୍ର ସାହାଯ୍ୟରେ, ୧୩ ବିଲିୟନ ବର୍ଷ ପୂର୍ବେ ୧୦୦ ରୁ ଅଧିକ ଗ୍ୟାଲେକ୍ସି ଦେଖାଯାଇଥିଲା, ଯେଉଁଥିରେ ସୁପରମାସିଭ୍ ବ୍ଲାକ୍ ହୋଲ୍ ରହିଥିଲା ​।

ଏହାପୂର୍ବରୁ ଜ୍ୟୋତିର୍ବିଜ୍ଞାନୀମାନେ ସୁନ୍ଦର ମାନଚିତ୍ର ମାଧ୍ୟମରେ ବ୍ରହ୍ମାଣ୍ଡର ଏକ ନକ୍ଷତ୍ର ନର୍ସରୀ ଦେଖାଇଥିଲେ, ଯେଉଁଠାରେ ତାରାମାନେ ଜନ୍ମ ହୋଇଥାଏ। ଏହି ଚିତ୍ର ସମଗ୍ର ବ୍ରହ୍ମାଣ୍ଡର ବିବିଧତାକୁ ପ୍ରକାଶ କରିଥାଏ। ଜ୍ୟୋତିର୍ବିଜ୍ଞାନୀମାନେ ALMA ଅବଜରଭେଟୋରୀର ଟେଲିସ୍କୋପ୍‌ ବ୍ୟବହାର କରି ନିକଟ ବ୍ରହ୍ମାଣ୍ଡରେ ଉପସ୍ଥିତ ଥିବା ମଲିକ୍ୟୁଲାର କ୍ଲାଉଡ୍ସର ଗଣନା କରିଛନ୍ତି।