ଅଜୟ ଦେବଗନଙ୍କ ଫିଲ୍ମ 'ରେଡ୍ ୨'ର ନୂଆ ଗୀତ 'ନଶା' ରିଲିଜ୍ ହୋଇଛି। ଯେଉଁଥିରେ ତମନ୍ନା ଭାଟିଆ ତାଙ୍କ ଡ୍ୟାନ୍ସରେ ପ୍ରଶଂସକଙ୍କ ହୋସ୍ ଉଡ଼ାଇ ଦେଉଥିବା ନଜର ଆସନ୍ତି। ପୂର୍ବରୁ ଅଭିନେତ୍ରୀ ଅନେକ ଗୀତରେ ଡ୍ୟାନ୍ସ କରିଛନ୍ତି। ତେବେ ଆସନ୍ତୁ ଜାଣିବା, ଏହି ଗୀତଗୁଡ଼ିକ ପାଇଁ ଅଭିନେତ୍ରୀ କେତେ ନେଇଛନ୍ତି।
Published By: Pramod Behera
Last updated: 13 April 2025, 12:21 PM IST
ତମନ୍ନା ଭାଟିଆ ଫିଲ୍ମ 'ହିମତୱାଲା'ରେ ଅଜୟ ଦେବଗନଙ୍କ ସହ ସ୍କ୍ରିନ୍ ଶେୟାର କରିଥିଲେ। ଏହି ଫିଲ୍ମରେ ମଧ୍ୟ ଦୁହିଁଙ୍କର ଏକ ସୁପରହିଟ୍ ଗୀତ 'ତାକି ତାକି' ଥିଲା। ରିପୋର୍ଟ ଅନୁସାରେ, ତମନ୍ନା ଏହି ଫିଲ୍ମ ପାଇଁ ୪୦-୫୦ ଲକ୍ଷ ଟଙ୍କା ଫିସ୍ ନେଇଥିଲେ।
୨୦୧୪ ମସିହାରେ ତମନ୍ନା ଭାଟିଆ ଫିଲ୍ମ 'ହମଶକଲ୍ସ'ରେ ନଜର ଆସିଥିଲେ। ଏହି ଫିଲ୍ମରେ ଅଭିନେତ୍ରୀ ଆଇଟମ୍ ନମ୍ବର 'ପିଆ କେ ବଜାର' କରିଥିଲେ। ଏଥିପାଇଁ ଅଭିନେତ୍ରୀ ପ୍ରାୟ ୩୦-୪୦ ଲକ୍ଷ ଟଙ୍କା ଫିସ୍ ନେଇଥିଲେ।
ଚଳିତ ବର୍ଷ ଆରମ୍ଭରେ ତମନ୍ନା ଭାଟିଆ 'ସ୍ତ୍ରୀ ୨'ର 'ଆଜ କି ରାତ' ଗୀତରେ ତାଙ୍କର ଡ୍ୟାନ୍ସ ଧମାକା ଦେଖାଇଥିଲେ। ଏଥିପାଇଁ ଅଭିନେତ୍ରୀଙ୍କୁ ୧ କୋଟି ଟଙ୍କା ଦିଆଯାଇଥିଲା।
ବର୍ତ୍ତମାନ ସୋସିଆଲ ମିଡିଆରେ ତମନ୍ନା ଭାଟିଆଙ୍କ 'ନଶା' ବହୁତ ଟ୍ରେଣ୍ଡ୍ କରୁଛି। ରିପୋର୍ଟ ଅନୁସାରେ, ତମନ୍ନା ଏହି ଗୀତ ପାଇଁ ୧ କୋଟି ଟଙ୍କା ମୋଟା ଫିସ୍ ନେଇଛନ୍ତି।
ତମନ୍ନା ଭାଟିଆ ସାଉଥ୍ ଫିଲ୍ମରୁ ବଲିଉଡ୍ରେ ପ୍ରବେଶ କରିଥିଲେ। ଏହି ଅଭିନେତ୍ରୀ ରଜନୀକାନ୍ତଙ୍କ ସମେତ ସାଉଥ୍ର ବଡ଼ ବଡ ତାରକାଙ୍କ ସହ କାମ କରିଛନ୍ତି।
ବର୍ତ୍ତମାନ ଅଭିନେତ୍ରୀ ବଲିଉଡରେ ମଧ୍ୟ ଅଭିନୟ କ୍ଷେତ୍ରରେ ନିଜର ଛାପ ଛାଡ଼ି ସାରିଛନ୍ତି। ତାଙ୍କ କାମ ସହିତ ସେ ତାଙ୍କ ପ୍ରେମ ପାଇଁ ମଧ୍ୟ ଖବରରେ ରହିଥାନ୍ତି। ଅଭିନେତ୍ରୀ ଜଣକ ବହୁ ବର୍ଷ ଧରି ଅଭିନେତା ବିଜୟ ବର୍ମାଙ୍କୁ ଡେଟ୍ କରୁଥିଲେ।
ଏବେ କୁହାଯାଉଛି ଯେ ଉଭୟଙ୍କ ସମ୍ପର୍କ ଭାଙ୍ଗିଯାଇଛି। କାରଣ ତମନ୍ନା ବିବାହ କରି ସେଟେଲ୍ ହେବାକୁ ଚାହୁଁଥିଲେ, ବିଜୟ କିନ୍ତୁ ତାହା ଚାହିଁଲେ ନାହିଁ।