'ଭିଟିଲିଗୋ'ରେ ପୀଡିତ ଆସ୍ଥା ଶାହା ଜଣେ କଣ୍ଟେଣ୍ଟ୍ କ୍ରିଏଟର୍ ଯିଏ ଏହି ରୋଗ ବିଷୟରେ ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରୁଛନ୍ତି। ୭୭ ତମ କାନ୍ସ ଫିଲ୍ମ ଫେଷ୍ଟିଭାଲରେ ସେ ଗର୍ବର ସହିତ ନିଜକୁ ଉପସ୍ଥାପିତ କରିଛନ୍ତି। ସେ ଏକ ସାକ୍ଷାତକାରରେ କହିଛନ୍ତି, 'ବର୍ଷ ବର୍ଷ ଧରି ମୋର ଭିଟିଲିଗୋ(ଧଳା ଧଳା ଛଉ ଭଳି ରୋଗ) ହେତୁ ମୁଁ ନିଜକୁ ସୁନ୍ଦର ଅନୁଭବ କରିବାକୁ ସଂଘର୍ଷ କରୁଥିଲି। ଆଜି ମୁଁ ମୋର ଭିଟିଲିଗୋ ସତ୍ତ୍ୱେ କାନ୍ସରେ ରେଡ୍ କାର୍ପେଟ୍ରେ ଚାଲିଲି। ମୁଁ ସମସ୍ତଙ୍କୁ ଦେଖାଇବାକୁ ଚାହେଁ ଯେ ସୌନ୍ଦର୍ଯ୍ୟ ସବୁ ପ୍ରକାରେ ଦେଖାଦେଇପାରେ।
Published By: Pramod Behera
Last updated: 19 May 2024, 01:54 PM IST
Credit: OTV
କାନ୍ସ ଫିଲ୍ମ ଫେଷ୍ଟିଭାଲର ରେଡ କାର୍ପେଟ୍ ପାଇଁ ଡିଜାଇନର୍ ଫୌଦ ସରକିସ୍ଙ୍କ ଦ୍ୱାରା ଡିଜାଇନ୍ ହୋଇଥିବା ଏକ ସୁନ୍ଦର ସବୁଜ ରଙ୍ଗର ଗାଉନ୍ ପିନ୍ଧିଥିଲେ ଆସ୍ଥା ଶାହା।
Credit: OTV
ଆସ୍ଥା ଶାହାଙ୍କୁ ଲୋକପ୍ରିୟ କ୍ଷୁଦ୍ର ଭିଡିଓ ପତ୍ରିକା 'ବ୍ରୁଟ୍'ର ସମର୍ଥନ ମିଳିଛି। ସେ ଇନଷ୍ଟାଗ୍ରାମରେ ଡି-ଡେ ରେ ଅନେକ ଫଟୋ ଶେୟାର କରିଛନ୍ତି। ଆସ୍ଥା ଲେଖିଛନ୍ତି, କାନ୍ସର ରେଡ୍ କାର୍ପେଟ୍ରେ ସବୁଜ ପତାକା।
Credit: OTV
ଆସ୍ଥା କହିଛନ୍ତି, “ମୁଁ ପିଲାଦିନରୁ ଭିଟିଲିଗୋ ସହ ଲଢୁଛି। ମୁଁ ମୋ ଶରୀରକୁ ନେଇ କେବେ ବି ସଚେତନ ନଥିଲି କାରଣ ମୋ ବାପାମାଆ ମୋତେ ନେଇ ସବୁବେଳେ ସହଜ ଅନୁଭବ କରୁଥିଲେ। ତଥାପି, ସମାଜ ମୋତେ ଅନୁଭବ କରେଇଲା ଯେ ମୋ ସହିତ କିଛି ଭୁଲ ହୋଇଛି।”
Credit: OTV
ଆସ୍ଥା କହିଛନ୍ତି ଯେ ଯେତେବେଳେ ଭିଟିଲିଗୋ ତାଙ୍କ ଶରୀରରେ ବ୍ୟାପିଗଲା, ସେତେବେଳେ ସେ ଔଷଧ ଖାଇବା ବନ୍ଦ କରିଦେଲେ। ଆସ୍ଥା ଏହି ନିଷ୍ପତ୍ତି ନେଇଥିଲେ କାରଣ ସେ ନିଜକୁ ସେହିଭଳି ଗ୍ରହଣ କରିବାକୁ ଚାହୁଁଥିଲେ ଏବଂ ତାଙ୍କ ଆଖପାଖରେ ଥିବା ସମସ୍ତଙ୍କୁ ତାହା କରିବାକୁ ଉତ୍ସାହିତ କରିବାକୁ ଚାହୁଁଥିଲେ।
Credit: OTV
ଆସ୍ଥା ବିଶ୍ୱ ସ୍ତରରେ 'ଭିଟିଲିଗୋ କୁଇନ୍' ଭାବରେ ଜଣାଶୁଣା କାନାଡିଆନ୍ ଫ୍ୟାଶନ୍ ମଡେଲ୍ ୱିନି ହାର୍ଲୋଙ୍କୁ ନିଜର ପ୍ରେରଣା ବୋଲି ଭାବନ୍ତି।
LIVE TV
