ବର-କନ୍ୟା ପରସ୍ପରକୁ ପିନ୍ଧାଇଲେ ପିଆଜ-ରସୁଣର ବରଣମାଳା

ବାରଣାସୀ : ଆକାଶ ଛୁଆଁ ଦରକୁ ନେଇ ସୁନା ଠୁ ବି ବଳି ପଡ଼ିଛି ପିଆଜ । ରୋଷେଇ ଘର ଓ ହୋଟେଲରୁ ଉଭାନ ହୋଇଯାଇଛି ପିଆଜ । ଆଉ ଏହି ସମୟରେ ଏକ ମଜାଦାର ଘଟଣା ଦେଖିବାକୁ ମିଳିଛି । ଏକ ବାହାଘରରେ ବର-କନ୍ୟା ପରସ୍ପରକୁ ପିନ୍ଧାଇଛନ୍ତି ପିଆଜ-ରସୁଣର ବରଣମାଳା । ଯାହାକୁ ନେଇ ଚର୍ଚ୍ଚା ।

ସୂଚନା ମୁତାବକ , ଏକ ବାହାଘରରେ ମହଙ୍ଗା ପିଆଜକୁ ନେଇ ଲୋକଙ୍କୁ ଏକ ଭିନ୍ନ ବାର୍ତ୍ତା ଦେବା ପାଇଁ ବର-କନ୍ୟା ଏମିତି ଏକ ଉପାୟ ଚିନ୍ତା କଲେ । ଆଉ ପରସ୍ପରକୁ ପିଆଜ-ରସୁଣରେ ତିଆରି ମାଳା ପିନ୍ଧାଇଲେ ।  ସେଠାକୁ ଆସିଥିବା ଅତିଥିମାନେ ମଧ୍ୟ ପିଆଜ ଗିଫ୍ଟ ଦେଇଥିଲେ ।

ପିଆଜର ଦାମ ବଢ଼ିବାକୁ ନେଇ କେବଳ ଯେ ସାଧାରଣ ଲୋକ ତାନୁହେଁ ବଡ଼ ବଡ଼ ହୋଟେଲ –ରେଷ୍ଟୁରାଣ୍ଟମାନେ ମଧ୍ୟ ଅସୁବିଧାର ସମ୍ମୁଖୀନ ହୋଇଛନ୍ତି । ସେମାନେ ନିଜର ଗ୍ରାହକଙ୍କୁ ସୂଚନା ଦେଇ ପୋଷ୍ଟର ଲଗାଇ କହିଛନ୍ତି, ‘ଦୟାକରି ପିଆଜ ମାଗି ଆମକୁ ଲଜ୍ଜିକ କରନ୍ତୁ ନାହିଁ’ । ହୋଟେଲ୍‌ ମାଲିକ ଲୋକଙ୍କୁ କହିଛନ୍ତି କି ପିଆଜ ମହଙ୍ଗା ହୋଇଯିବାରୁ ଏହାର ବ୍ୟବହରା ଟିକେ କମ୍‌ କରିଦେଇଛୁ ।