ହାର୍‌ ମାନିଛି ବୟସ : ୯୪ ବର୍ଷରେ ଆରମ୍ଭ କଲେ ବ୍ୟବସାୟ

 ନୂଆଦିଲ୍ଲୀ : ଯଦି ଦୃଢ଼ ମନୋବଳ ଓ ପ୍ରବଳ ଇଚ୍ଛା ଶକ୍ତି ଥାଏ ତ ଅସମ୍ଭବ ବି ସମ୍ଭବ ହୋଇଥାଏ । କୌଣସି କାମ କରିବାକୁ ବୟସ ନୁହେଁ ,ସ୍ୱତନ୍ତ୍ର ଆବେଗ ହିଁ ଲୋଡା ପଡିଥାଏ । ଏହାର ଏକ ଉଦାହରଣ ଦେଖିବାକୁ ମିଳିଛି । ଚଣ୍ଡିଗଡ଼ର ୯୪ ବର୍ଷୀୟା ହରଭଜନ କୌର ନାମକ ଜଣେ ମହିଳାଙ୍କ ଉଦ୍ୟମତାକୁ ଟ୍ୱିଟରରେ ଖୁବ୍‌ ପ୍ରଶଂସା ମିଳିଛି । ।

ମହିନ୍ଦ୍ରା ଗ୍ରୁପ୍‌ର ଚେୟାରମ୍ୟାନ୍‌ ଆନନ୍ଦ ମହିନ୍ଦ୍ରା ସମୟ ସମୟରେ ନିଜର ଟ୍ୱିଟରରେ ଲୋକଙ୍କୁ ପ୍ରେରଣା ଦେବା ଭଳି କାହାଣୀ ସେୟାର କରିଥାନ୍ତି । ଏବେ ଏହି ୯୪ ବର୍ଷୀୟା ମହିଳାଙ୍କ କାହାଣୀ ସେୟାର କରିଛନ୍ତି । ଆଉ ତାଙ୍କୁ ‘ଇଣ୍ଟର ପ୍ରେନେୟୋର ଅଫ୍‌ ଦ ଇୟର’ କହିଛନ୍ତି । ସେ ଟ୍ୱିଟରେ ଲେଖିଛନ୍ତି ୯୪ ବର୍ଷୀୟା ଏହି ମହିଳା ମିଠା ତିଆରି କରି ଅର୍ଥ ରୋଜଗାର କରୁଛନ୍ତି । ଆନନ୍ଦ ମହିନ୍ଦ୍ରା ଏହି ମହିଳାଙ୍କର କାହାଣୀରେ ଏତେ ପ୍ରେରିତ ହୋଇଛନ୍ତି ଯେ ନିଜର ଟ୍ୱିଟର ପେଜ୍‌ରେ ମଧ୍ୟ ଏହାର ଏକ ଭିଡ଼ିଓ ସେୟାର କରିଛନ୍ତି ।

When you hear the word ‘start-up’ it brings to mind images of millennials in Silicon Valley or Bengaluru trying to build billion dollar ‘unicorns.’ From now on let’s also include a 94 yr old woman who doesn’t think it’s too late to do a start-up. She’s my entrepreneur of the year https://t.co/N75BxK18z4

— anand mahindra (@anandmahindra) January 7, 2020

ଟ୍ୱିଟରରେ ଏହି ଭିଡ଼ିଓକୁ ଡାକ୍ତର ମଧୁ ଟେକ୍‌ଚନ୍ଦ୍ରାଣୀ ଆନନ୍ଦ ମହିନ୍ଦ୍ରାଙ୍କୁ ଟାଗ୍‌ କରି ସେୟାର କରିଥିଲେ ।

ସୂଚନା ମୁତାବକ ଏହି ଭିଡ଼ିଓଟି ଚଣ୍ଡିଗଡ଼ର ହରଭଜନ କୌରଙ୍କର । ଯିଏକି ନିଜ ଘରେ ବେସନର ବର୍ଫି ତିଆରି କରୁଛନ୍ତି । ଚାରି ବର୍ଷ ତଳେ ସେ ଏହି କାମ ଆରମ୍ଭ କରିଥିଲେ । ସେତେବେଳେ ସେ ନିଜ ଝିଅକୁ ଏକଥା କହିଥିଲେ, ନିଜେ କିଛି କାମ କରି ଅର୍ଥ ରୋଜଗାର କରିବାକୁ ଚାହୁଁଛନ୍ତି ।

ହରଭଜନ କୌରଙ୍କର ଏହି ଭିଡ଼ିଓକୁ ସେୟାର କରି ୟୁଜର ଲେଖିଛନ୍ତି ,  ‘ଏହା ଏକ ଏମିତି କାହାଣୀ ଯାହାକି ଆପଣଙ୍କୁ ଆଶା ଦେବ ଓ ପ୍ରେରିତ ମଧ୍ୟ କରିବ ।  ’

Age , No matter what ??? Should never be a deterrent for initiating a new activity.??

— Ranjit Band (@band_ranjit) January 7, 2020

Thanks for sharing sir, these kind of videos will awake us from Inertia to Get-set-go and do something useful to self and society.

— Prakash Reddy (@Prakash_343) January 7, 2020

ଆନନ୍ଦ ମହିନ୍ଦ୍ରା ତୁରନ୍ତ ଏହି ଟ୍ୱିଟ୍‌ର ରିପ୍ଲାଏ କରି ଲେଖିଥିଲେ , ‘ଯେତେବେଳେ ଆପଣ ଷ୍ଟାର୍ଟଅପ୍‌ ଶବ୍ଦ ଶୁଣୁଛନ୍ତି ତ ଏହା ଆପଣଙ୍କୁ ସିଲିକନ୍‌ ଭ୍ୟାଲି ବା ବେଙ୍ଗାଲୁରୁ ଲୋକଙ୍କ କଥା ମନେପକାଇଦିଏ , ଯେଉଁମାନେ ନିଜ କାମକୁ ଆଗକୁ ବଢ଼ାଇବା ପାଇଁ ଚେଷ୍ଟା ଜାରି ରଖିଛନ୍ତି । ଏବେ ଠାରୁ ଏଥିରେ ଏହି ୯୪ ବର୍ଷୀୟା ମହିଳାଙ୍କୁ ବି ସାମିଲ୍‌ କରନ୍ତୁ । ଯିଏ ଏହା କେବେ ଭାବନ୍ତି ନି ଯେ କିଛି ନୂଆ କାମ ଆରମ୍ଭ କରିବା ପାଇଁ ବହୁତ ବିଳମ୍ବ ହୋଇଯାଇଛି । ’

ଟ୍ୱିଟରରେ ଏହି ଭିଡ଼ିଓକୁ ବହୁତ ଲୋକ ପସନ୍ଦ କରିଛନ୍ତି । ୩,୬୦୦ରୁ ଅଧିକ ଲୋକ ଏହାକୁ ଲାଇକ୍‌ କରିଛନ୍ତି । ୬୦୦ରୁ ଅଧିକ ରିଟ୍ୱିଟ୍‌ କରିସାରିଲେଣି ।