Youth Attacked With Sword: ରାଜଧାନୀରେ ପୁଣି ବୁଲିଲା ଖଣ୍ଡା, ଯୁବକକୁ ଆକ୍ରମଣ

ରାଜଧାନୀରେ ପୁଣି ବୁଲିଲା ଖଣ୍ଡା। ଭୁବନେଶ୍ୱର ଭଗବାନପୁରରେ ଏକ କାଫେ ସାମ୍ନାରେ ଯୁବକକୁ ଖଣ୍ଡାରେ ଆକ୍ରମଣ I ଗତକାଲି ବିଳମ୍ବିତ ରାତିରେ ଏହି ଆକ୍ରମଣ ହୋଇଛି। ଦୁର୍ବୃତ୍ତଙ୍କ ଖଣ୍ଡା ଚୋଟରେ ଜଣେ ଗୁରୁତର ହୋଇଛନ୍ତନ୍ତି I ସିସିଟିଭିରେ କଏଦ ହୋଇଛି ଏହି ଆତଙ୍କ ରାଜ୍ I ୩ଟି ବାଇକରେ ୬ ଜଣ ଆସି କାଫେରେ କାମ କରୁଥିବା ଯୁବକଙ୍କୁ ଆକ୍ରମଣ କରିଛନ୍ତି। 

ଏଥି ସହିତ ଦୁଇଟି କାର ଭଙ୍ଗାରୁଜା ମଧ୍ୟ କରିଛନ୍ତି I ଆହତ ଯୁବକଙ୍କ ବାପା ତମାଣ୍ଡୋ ଥାନାରେ ଏତଲା ଦେଇଛନ୍ତି I ସିସିଟିଭି ଫୁଟେଜ ଆଧାରରେ ପୋଲିସ ତଦନ୍ତ ଚଳାଇଛି I ପୂର୍ବ ଶତ୍ରୁତାରୁ ଆକ୍ରମଣ ସନ୍ଦେହ କରାଯାଉଛି। 

• ଭୁବନେଶ୍ବର ଭଗବାନପୁରରେ ବୁଲିଲା ଖଣ୍ଡା
• କାଫେ ସାମ୍ନାରେ ଯୁବକକୁ ଖଣ୍ଡାରେ ଆକ୍ରମଣ
• କାର ଭଙ୍ଗାରୁଜା କଲେ ଦୁର୍ବୃତ୍ତ
• ସିସିଟିଭି ଦେଖିଲା ଆତଙ୍କରାଜ
• ତମାଣ୍ଡୋ ଥାନାରେ ଏତଲା 
• ପୂର୍ବ ଶତ୍ରୁତାରୁ ଆକ୍ରମଣ ସନ୍ଦେହ