Kotia Issue: ଆନ୍ଧ୍ରକୁ ଛାଡ଼ୁନି କୋଟିଆ ଲୋଭ, ଇସର୍ଭେ ବାହାନାରେ ଓଡ଼ିଶାରେ ପଶୁଛି

ଆନ୍ଧ୍ରକୁ ଛାଡ଼ୁନି କୋଟିଆ ଲୋଭ। ପୁଣି କୋଟିଆରେ ପଶି ଆନ୍ଧ୍ର ସରକାରୀ କର୍ମଚାରୀଙ୍କ ଦାଦାଗିରି। କୋଟିଆ ସେମ୍ବୀ ଗାଁର ଆନ୍ଧ୍ର ପ୍ରଶାସନର ଏକ ଟିମ୍ ରାସନ୍ ଓ ଆଧାର କାର୍ଡ ଇ-ସର୍ଭେ କରିବା ବେଳେ ଜୋରଦାର ବିରୋଧର ସମ୍ମୁଖୀନ ହୋଇଛି। ଆନ୍ଧ୍ର ସରକାରୀ କର୍ମଚାରୀଙ୍କ ସହ ଗ୍ରାମବାସୀ ମୁହାଁମୁହିଁ ହୋଇଛନ୍ତି। 

ଶେଷରେ ପୋଲିସର ତାଗିଦ ପରେ ଆନ୍ଧ୍ର ସର୍ଭେ ଟିମ୍ ଫେରିଯାଇଛି। ସୂଚନା ଅନୁସାରେ, ଆନ୍ଧ୍ରର ଏକ ଟିମ୍ ଗାଁକୁ ଯାଇ ଇ-ସର୍ଭେ କରୁଥିଲେ। ଏହି ସମୟରେ ସ୍ଥାନୀୟ ଲୋକେ ବିରୋଧ କରିଥିଲେ। ସେମାନଙ୍କୁ ଆକଟ କରିବାରୁ ଉଭୟଙ୍କ ମଧ୍ୟରେ ବଚସା ହୋଇଥିଲା। ପୋଲିସର ହସ୍ତକ୍ଷେପ ପରେ ପରିସ୍ଥିତି ଶାନ୍ତ ପଡ଼ିଛି।