ଦରମା ନମିଳିବାରୁ କୋଭିଡ ଯୋଦ୍ଧାଙ୍କ ଧାରଣା

କଟକ: କୋଭିଡ୍ ହସ୍ପିଟାଲ୍‌ରେ ନର୍ସଙ୍କ କାର୍ଯ୍ୟ ବନ୍ଦ ଆନ୍ଦୋଳନ। ଦରମା ଠିକ୍‌ରେ ମିଳୁନଥିବା ଅଭିଯୋଗରେ ଧାରଣାକୁ ଓହ୍ଲାଇଛନ୍ତି ଅଶ୍ୱିନୀ କୋଭିଡ୍ ହସ୍ପିଟାଲର ନର୍ସ ।

ଜିଲ୍ଲା ସ୍ୱାସ୍ଥ୍ୟ ବିଭାଗ ପକ୍ଷରୁ ନିୟୋଜିତ ୪୦ରୁ ଊର୍ଦ୍ଧ୍ୱ ନର୍ସ କାର୍ଯ୍ୟ ବନ୍ଦ କରି ଆନ୍ଦୋଳନ କରୁଛନ୍ତି । ପ୍ରତିଶ୍ରୁତି ମୁତାବକ ଦରମା ମିଳୁନଥିବା ଅଭିଯୋଗ କରିଛନ୍ତି ନର୍ସ ଓ ମେଡିକାଲ୍ ଷ୍ଟାପ୍ । ଏହାସହ ରୋଟେସନ୍ ଡ୍ୟୁଟି କରିବାକୁ ନିଷ୍ପତ୍ତି ହୋଇଥିଲା । ହେଲେ ପ୍ରତିଦିନ କାଯ୍ୟ କରିବାକୁ କୁହାଯାଉଥିବା ଅଭିଯୋଗ କରିଛନ୍ତି ।

ଖାଲି ଏତିକି ନୁହେଁ କ୍ୱାରେଣ୍ଟିନ ସୁବିଧା ମଧ୍ୟ କରାଯାଇ ନାହିଁ । ତେଣୁ ବହୁ ନର୍ସ ଏବେ ଅସୁସ୍ଥ ହୋଇପଡ଼ିଥିବା ଅଭିଯୋଗ ହୋଇଛି । ସେପଟେ ନର୍ସଙ୍କ ଅଭିଯୋଗକୁ ନେଇ ହସ୍ପିଟାଲ୍ କର୍ତ୍ତୃପକ୍ଷଙ୍କ ପ୍ରତିକ୍ରିୟା ମିଳିପାରିନି ।