ଘରୁ ବାହାରିଲା ମାଳମାଳ ସାପ

ଢେଙ୍କାନାଳ: ଘର ଭିତରୁ ବାହାରିଲା ପୁଳା ପୁଳା ନାଗ ଛୁଆ। ଢେଙ୍କାନାଳ ଜିଲ୍ଲା ରାସୋଳ ଥାନା ଅନ୍ତର୍ଗତ ବୁହାଳିପାଳ ଗାଁରୁ ବାହାରିଲେ ୧୪ଟି ନାଗସାପ ଛୁଆ । ସେଥିରୁ ୧୨ଟି ଜୀବିତ ଥିବା ବେଳେ ୨ଟି ସାପଛୁଆ ମୃତ।

ଖବର ଅନୁଯାୟୀ, ବୁହାଳିପାଳ ଗାଁର ରେବତୀ ସେଠୀଙ୍କ ଘରୁ ୧୪ଟ ସାପ ଛୁଆଗୁଡ଼ିକ ବାହାରିଛନ୍ତି । ଝିଅ ବାହାଘର ପାଇଁ ପ୍ରସ୍ତୁତି ଚଳାଇଥିବା ବେଳେ ଗୋଟିଏ ସାପଛୁଆକୁ ଘର ଭିତରେ ଦେଖିଥିଲେ ପରିବାର ଲୋକେ। ପରେ ଘର ଭିତରେ ଖୋଳାଖୋଳି କରିବା ପରେ ଅଧିକ ନାଗ ସାପ ଛୁଆ ଦେଖି ଭୟଭୀତ ହୋଇଯାଇଥିଲେ ।

ଏହାପରେ ସ୍ନେକ ହେଲପ ଲାଇନ ସଦସ୍ୟ ଆସି ଘର ଭିତରୁ ସାପ ଛୁଆଗୁଡ଼ିକୁ ଉଦ୍ଧାର କରିଥିଲେ। ଉଦ୍ଧାର ପରେ ସମସ୍ତ ନାଗ ସାପ ଛୁଆକୁ ନିକଟସ୍ଥ ଜଙ୍ଗଲରେ ଛାଡି ଦିଆଯାଇଛି ।