ବାପାଙ୍କୁ ହତ୍ୟା କରି ପୁଅର ଆତ୍ମହତ୍ୟା !

ନୂଆପଡ଼ା : ବାପାଙ୍କୁ ହତ୍ୟା କଲା ପରେ ପୁଅର ଆତ୍ମହତ୍ୟା। ନୂଆପଡ଼ା ଜିଲ୍ଲା ଗାତିବେଡା ଗାଁରେ  ଘଟିଛି ଏହି ଅଭାବନୀୟ ଘଟଣା। ଅଭିଯୋଗ ଅନୁଯାୟୀ, ୭୦ବର୍ଷୀୟ  ରାମ ସିଂ ମାଝୀଙ୍କ ସହ ପୁଅ ଦେବ ମାଝୀଙ୍କର କୌଣସି କାରଣକୁ ନେଇ ବଚସା ହୋଇଥିଲା । ଏହା ପରେ ପୁଅ ହଠାତ୍‌ ରାଗି ଯାଇ ବାପା ରାମ ସିଂଙ୍କ ମୁଣ୍ତରେ ପଥର ଛେଚି ଦେଇଥିଲା। ଫଳରେ  ଘଟଣାସ୍ଥଳରେ ତାଙ୍କ ମତ୍ୟୁ ହୋଇଥିଲା । ଏହା ପରେ କିଛି ଦୂରରେ ଥିବା ଏକ ବାହାଡା ଗଛରେ ବେକରେ ଦଉଡି ଦେଇ ପୁଅ ଦେବ ମାଝି ଆତ୍ମହତ୍ୟା କରିଛି।

ରାମ ସିଂର ଦ୍ୱିତୀୟ ପୁଅ ସମସାଏ ମାଝୀ ଗ୍ରାମବାସୀଙ୍କ ସହ ଆସି କୋମନା ଥାନାରେ ଘଟଣା ସମ୍ପର୍କରେ ଜଣାଇଥିଲେ । ଆସନ୍ତା କାଲି ଶବ ବ୍ୟବଚ୍ଛେଦ କରାଯିବ।