Police Action Triggers Chaos: ବେଆଇନ୍ ବାଲି ଚାଲାଣ ଉପରେ ପୋଲିସର ଆକ୍ସନ, ଭୟରେ ରାସ୍ତା ଉପରେ ବାଲି ଢାଳିଦେଲେ ହାଇୱା ଡ୍ରାଇଭର

ଭଦ୍ରକରେ ବେଆଇନ୍ ବାଲି ଚାଲାଣ ଉପରେ ପୋଲିସ ଆକ୍ସନ। ଭୟରେ ରାସ୍ତା ଉପରେ ବାଲି ଢାଳିଦେଲେ ହାଇୱା ଡ୍ରାଇଭର। ଏବେ ସାଧାରଣରେ ପ୍ରଶ୍ନ, ପିପିଲି ଭଳି ଏଠି ଘଟିବନି ତ ଦୁର୍ଘଟଣା ? ଆଜି ସକାଳୁ ୫୩ ନମ୍ବର ରାଜ୍ୟ ରାଜପଥର ବନ୍ତ ଓ ଏହାର ଆଖପାଖ ଅଞ୍ଚଳରେ ଚଢ଼ାଓ କରି ୨୫ଟି ବେଆଇନ ବାଲି ବୋଝେଇ ହାଇୱାକୁ ବନ୍ତ ପୋଲିସ ଜବତ କରିଛି।

ପୋଲିସ ପିଛା କରୁଥିବା ଦେଖି ଆଉ କିଛି ହଇୱା ଭୟରେ ରାସ୍ତା ପାର୍ଶ୍ୱରେ ବାଲି ଢାଳି ଦେଇଛନ୍ତି। ପୋଲିସ ସେହି ସବୁ ଗାଡିକୁ ଅଟକ ରଖି ତଦନ୍ତ ଚଳାଇଛି। ୫ ହାଇୱା ଚାଳକଙ୍କୁ ଅଟକ ରଖି ଯାଞ୍ଚ ଚାଲିଛି। ଆନନ୍ଦପୁର ବୈତରଣୀ ନଦୀର ବିଭିନ୍ନ ଘାଟରୁ ଏମାନେ ବାଲି ବୋଝେଇ କରି ଭଦ୍ରକ ଚାଲାଣ କରୁଥିବା ଜଣାପଡିଛି ।  

  
ଭଦ୍ରକରେ ବେଆଇନ୍ ବାଲି ଚାଲାଣ ଉପରେ ପୋଲିସର ଆକ୍ସନ

ଭୟରେ ରାସ୍ତା ଉପରେ ବାଲି ଢାଳିଦେଲେ ହାଇୱା ଡ୍ରାଇଭର
ବନ୍ତରେ ୫୩ ନମ୍ବର ରାଜ୍ୟ ରାଜପଥରରେ ପୋଲିସର ରେଡ୍
୨୫ଟି ବାଲି ବୋଝେଇ ହାଇୱା ଜବତ, ୫ ଡ୍ରାଇଭର ଅଟକ