Nilagiri NAC Row: ଏନଏସି ଅଫିସରେ ହାଇଡ୍ରାମା, ଅଳିଆ ଗାଡି ଆଗରେ ଶୋଇପଡିଲେ କାଉନସିଲର

ନୀଳଗିରି ଏନଏସି ଅଫିସରେ ହାଇଡ୍ରାମା। କାଉନସିଲର ଚେୟାରମ୍ୟାନ କଥା କଟାକଟି। ଅଳିଆ ଗାଡି ଆଗରେ ଶୋଇ ପଡିଲେ କାଉନ୍ସିଲର। ବିନା ଟେଣ୍ଡରରେ ନୂଆ ଅଳିଆ ଗାଡି ଆଣିଥିବା ଅଭିଯୋଗ କରି ଏନଏସି କାର୍ଯ୍ୟାଳୟରେ ଆମରଣ ଅନଶନରେ ବସିଛନ୍ତି କାଉନ୍ସିଲର।

ନୂଆ ଅଳିଆ ଗାଡି ପୂଜା ବେଳେ ଏନଏସି ଚେୟାରମ୍ୟାନ ଓ ଅଧିକାରୀଙ୍କ ସହ ୧୦ ନମ୍ବର ୱାର୍ଡ କାଉନସିଲର ଗୌରାଙ୍ଗ ବିନ୍ଧାଣିଙ୍କ ଯୁକ୍ତିତର୍କ ହୋଇଥିଲା। ଏନଏସିରେ ପୂର୍ବ ବ୍ୟବହୃତ ବ୍ୟାଟେରୀ ଚାଳିତ ଅଳିଆ ଗାଡି ଖରାପ ହେଉଥିବାରୁ ଡିଜେଲ ଗାଡି ଆଣିବା ପାଇଁ ଦାବି କରିଥିଲେ କାଉନ୍ସିଲର। 

ବୈଠକରେ ଏ ନେଇ ଆଲୋଚନା ହୋଇଥିଲା, କିନ୍ତୁ ନିଷ୍ପତ୍ତିକୁ ସ୍ଥଗିତ ରଖାଯାଇଥିଲା। ହେଲେ ଚେୟାରମ୍ୟାନ ଓ ଅଫିସର କାଉନ୍ସିଲରଙ୍କୁ ନଜଣାଇ ପୁଣି ବ୍ୟାଟେରୀ ଗାଡି ଆଣିଥିବା ଅଭିଯୋଗ କରିଛନ୍ତି ଗୌରାଙ୍ଗ ବିନ୍ଧାଣି।