Midnight Crackdown: ବାଲି ଘାଟ ଉପରେ ରାତି ଅଧିଆ ଚଢାଉ, ଜିଲ୍ଲାପାଳଙ୍କ ଅଚାନକ ରେଡ୍

ବାଲି ଘାଟ ଉପରେ ରାତି ଅଧିଆ ଚଢାଉ। ବୌଦ୍ଧସ୍ଥିତ କଲେଶ୍ୱର୍ ବାଲି ଘାଟରେ ରାତି ଅଧରେ ଜିଲ୍ଲାପାଳ ବିଭୁତି ଭୁଷଣ ନାୟକ ଅଚାନକ ପରିଦର୍ଶନ କରିଥିଲେ । ରେଡ ବେଳେ ଗୋଟିଏ ଜେସିବି, ହାଇଓ୍ୱା ଜବତ କରାଯାଇଛି । କାଲି ରାତିରେ ଜିଲ୍ଲାପାଳଙ୍କ ସମେତ ମାଇନିଂ ଅଫିସର୍ ଓ ପୋଲିସ ଟିମ୍ ମିଳିତ ଭାବେ ବାଲି ଘାଟରେ ଅଚାନକ ଚଢାଉ କରିଥିଲେ । 

ରାତି ଅଧରେ ଜିଲ୍ଲାପାଳ ବିଭୁତି ଭୁଷଣ ନାୟକ ଅଚାନକ ପରିଦର୍ଶନ କରିବା ଜିଲ୍ଲାପାଳଙ୍କ ଗାଡ଼ି କୁ ଦେଖି ଗାଡ଼ି ଛାଡ଼ି ଦୌଡ଼ି ପଳେଇ ଗଲେ ମାଫିଆ। ଏହା ଦେଖି ଜିଲ୍ଲାପାଳ ବିଭୁତି ଭୁଷଣ ନାୟକଙ୍କ ମନରେ ସନ୍ଦେହ ହୋଇଥିଲା। ଯାହା ପରେ ଏନଫୋର୍ସମେଣ୍ଟ ଟିମ୍ କୁ ଡକାଇ ଘଟଣା ସ୍ଥଳରେ ମହାନଦୀ କଲେଶ୍ୱର୍ ବାଲି ଘାଟ ଭିତରକୁ ଯାଇ ଦେଖିଥିଲେ। 

ଏଥିସହ ଲିଜ୍ ଦିଆଯାଇଥିବା ପରିଧି ଭିତରୁ ବାଲି ନନେଇ ପରିସର ବାହାରୁ ଶହ ଶହ ଟ୍ରିପ୍ ବାଲି ଜିଲ୍ଲା ବାହାରକୁ ଚାଲାଣ ହେଉଥିବା ଦେଖିବାକୁ ପାଇଥିଲେ ଏନଫୋର୍ସମେଣ୍ଟ ଟିମ୍। ଘଟଣା ସ୍ଥଳରେ ଜେସିବି ଓ ହାଇୱା ଜବତ୍ କରିବା ସହ ବାଲି ମାଫିଆଙ୍କୁ ଛଡ଼ାଯିବ ନାହିଁ ବୋଲି ସୂଚନା ଦେଇଛନ୍ତି।

ବାଲି ଘାଟ ଉପରେ ରାତି ଅଧିଆ ଚଢାଉ
ବୌଦ୍ଧ କଲେଶ୍ୱର୍ ବାଲି ଘାଟରେ ରେଡ୍ 
ଜେସିବି, ହାଇଓ୍ୱା ଜବତ, ମାଫିଆ ଫେରାର