ପୁଅର ଜୀବନ ବଞ୍ଚାଇବାକୁ ଯାଇ ବାପାର ଚାଲିଗଲା ଜୀବନ

ବାଲେଶ୍ୱର: ଏମିତି ବି ଆସେ ମୃତ୍ୟୁ। ପୁଅର ଜୀବନ ବଞ୍ଚାଇବାକୁ ଯାଇ ଗଲା ବାପାର ଜୀବନ। ଏଭଳି ଦୁଃଖଦ ଘଟଣା ବାଲେଶ୍ୱର ଜିଲ୍ଲା ବାଲିଆପାଳ ବ୍ଲକ ଜମ୍ଭିରାଇ ଆରୁଆଦମ ଗାଁରେ ଘଟିଛି। ମୃତକ ଦୁହେଁ ହେଲେ ବାପା କାଶୀ ରାଉତ ଓ ପୁଅ ରାମକୃଷ୍ଣ ରାଉତ।

ଖବର ଅନୁଯାୟୀ, ସକାଳେ ବାପା ଓ ପୁଅ ମିଶି ପାନ ବରଜକୁ କାମ କରିବାକୁ ଯାଇଥିଲେ।  ଏହି ସମୟରେ ରାସ୍ତାରେ ପଡିଥିବା ତାରକୁ ପୁଅ ରାମକୃଷ୍ଣ ମାଡି ଦେଇଥିଲେ। ପୁଅ ତଳେ ପଡିଯିବା ଦେଖି ବାପା ବିଦ୍ୟୁତ୍‌ ତାରକୁ ହାତରେ ଧରି ପକାଇଥିଲେ। ଯାହାଦ୍ୱାରା କାଶୀଙ୍କର ହାତ ଜଳି ଯାଇଥିଲା। ଘଟଣା ସ୍ଥଳରେ ହିଁ ବାପା ପୁଅଙ୍କର ମୃତ୍ୟୁ ଘଟିଥିଲା। ଘଟଣାର ଖବର ପାଇ ବାଲିଆପାଳ ପୋଲିସ ମୃତ ଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି।