ବନ୍ଧୁକ ଦେଖାଇ ଲୁଟିଲେ ୧୦ ଲକ୍ଷ ଟଙ୍କା

ଝାରସୁଗୁଡ଼ା : ବନ୍ଧୁକ ଦେଖାଇ ଚାଉଳ ଡାଲି ଗୋଦାମ୍‌ରୁ ଲୁଟି ନେଲେ ଦଶ ଲକ୍ଷ ଟଙ୍କା।  ଝାରସୁଗୁଡ଼ା ବାଇପାସ ନିକଟରେ ଘଟିଛି ଏଭଳି ଏକ ଘଟଣା ।  ଆଜି ଏକ ବାଇକ୍‌ରେ ୩ଜଣ ଯୁବକ ଆସି ଝାରସୁଗୁଡ଼ା ବାଇପାସ୍‌ରେ ଥିବା ଶ୍ରେୟା ଟ୍ରେଡର୍ସର ଚାଉଳ ଡାଲି ଗୋଦାମ ଆଗରେ ପହଞ୍ଚିଥିଲେ । ସେମାନଙ୍କ ମଧ୍ୟରୁ ୨ ଜଣ ଯୁବକ ଗୋଦାମ ଘରେ ପଶି କାଉଣ୍ଟରେ ବସିଥିବା ମାଲିକ ଶଙ୍କର କେଡିଆକୁ ବନ୍ଧୁକ ଦେଖାଇ ଧମକ ଦେଇଥିଲେ ।

ଏଥିସହ କାଉଣ୍ଟରରେ ଥିବା ଦଶ ଲକ୍ଷ ଟଙ୍କା ନେଇ ଫେରାର ହୋଇଯାଇଥିଲେ । ଲୁଟି ନେଇଥିବା ୨ଜଣ ଯୁବକ ହେଲମେଟ ପିନ୍ଧିଥିଲେ।  ଝାରସୁଗୁଡ଼ା ପୁଲିସ ଜାଣିବା ପରେ ତଦନ୍ତ ଚଳାଇଛି ।