Liquor-Laden Car Falls Into Canal: କେନାଲରେ ଭାସିଲା ମଦ ବୋଝେଇ କାର, ପୋଲିସକୁ ଦେଖି ଚମ୍ପଟ ମାରିଲା ଡ୍ରାଇଭର

ମଦ ନେଇ ଯାଉଥିଲା, କେନାଲରେ ଖସିପଡ଼ିଲା। କେନାଲ ଭିତରେ ଭାସିଲା ମଦ ବୋଝେଇ କାର୍। ବାଲେଶ୍ବର ଜଳେଶ୍ବର ୫୭ନଂ ରାଜ୍ୟ ରାଜପଥ ବାଟ ଗାଁ ନିକଟରେ ପାଟ୍ରୋଲିଂ ବେଳେ ଏକ କାର ଉପରେ ସନ୍ଦେହ କରି ପୋଲିସ୍ ଅଟକାଇଥିଲା। ପୋଲିସକୁ ଦେଖି ସେଠୁ ଚମ୍ପଟ ମାରିଥିଲା ପଶ୍ଚିମବଙ୍ଗ ନମ୍ବର ବିଶିଷ୍ଟ ଏଇ କାର୍। 

ପୋଲିସ୍ ଓ ମଦ ମାଫିଆଙ୍କ ମଧ୍ୟରେ କିଛି ସମୟ ପାଇଁ ଛକାପଞ୍ଝା ଚାଲିଥିଲା। ତେବେ ବେଶି ବାଟ ଯାଇ ନପାରି ବ୍ରାହ୍ମଣଦା ନିକଟରେ କେନାଲ ତଳକୁ ଖସି ପଡିଥିଲା। ଘଟଣାସ୍ଥଳରୁ ଡ୍ରାଇଭର ଫେରାର ମାରିଥିବା ବେଳେ କାରରୁ ୮ ବସ୍ତା ଦେଶୀ ମଦ ଜବତ କରିଛି ପୋଲିସ୍।