Farmers' Protest: ସାର ପାଇଁ ଆନ୍ଦୋଳନରେ ବସିଲେ, ସାର ବସ୍ତା ବୋହି ନେଲେ

ସାର ପାଇଁ ଆନ୍ଦୋଳନରେ ବସିଲେ, ଶେଷରେ ସମବାୟ ସଂପାଦକଙ୍କୁ ଘେରି ସାର ବସ୍ତା ବୋହି ନେଲେ । ଗଞ୍ଜାମ ଜିଲ୍ଲା ଦିଗପହଣ୍ଡିରେ ଦେଖିବାକୁ ମିଳିଛି ଏଭଳି ଘଟଣା । ଚାହିଁ ରହିଥିଲା ପୋଲିସ, ସାର ବସ୍ତା ବୋହିନେଲେ ଚାଷୀ । ସାର ମିଳୁନଥିବା ଅଭିଯୋଗରେ ଦିଗପହଣ୍ଡି ମଉଳାଭଣଜା ଛକରେ ରାସ୍ତାରୋକ କରିଥିଲେ ଚାଷୀ। 
୩୨୬ ନମ୍ବର ଜାତୀୟ ରାଜପଥ ଅବରୋଧ କରିଥିଲେ ଶତାଧିକ ଚାଷୀ । ପ୍ରଶାସନ ଘଟଣାସ୍ଥଳରେ ପହଞ୍ଚି ବୁଝାସୁଝା କରିବାପରେ ରାସ୍ତାରୋକ ହଟିଥିଲା । ବିକ୍ଷୋଭରୁ ଓହରି ମଉଳାଭଣଜା ସେବା ସମବାୟ ସମ୍ପାଦକଙ୍କୁ ଘେରିଥିଲେ ଚାଷୀ । ପରେ ପୋଲିସ ଉପସ୍ଥିତିରେ ସାର ବୋହି ନେଇଥିଲେ ଚାଷୀ । ଘଟଣାସ୍ଥଳରେ ପୋଲିସ କେବଳ ତଟକା ହୋଇ ଚାହିଁ ରହିଥିଲା ।