ନାମୀ ଦାମୀ କମ୍ପାନୀ ନାଁରେ ନକଲି ଜର୍ଦ୍ଦା

ଭଦ୍ରକ  : ଠାବ ହୋଇଛି ନକଲି ଜର୍ଦ୍ଦା ତିଆରି କାରଖାନା। ଭଦ୍ରକ ମିର୍ଜାପୁରରେ ନକଲି ଜର୍ଦ୍ଦା ତିଆରି କରୁଥିବା ନେଇ ଅଭିଯୋଗ ଆସିବା ପରେ ଚଢ଼ଉ କରିଛି ପୁଲିସ୍ । ନାମୀ ଦାମୀ କମ୍ପାନୀ ନାଁ ଓ ଲେବଲ୍‌ରେ ଦୀର୍ଘ ଦିନ ଧରି ଏଠାରେ ନକଲି ଜର୍ଦ୍ଦା ତିଆରି କରାଯାଉଥିଲା ।

କାରଖାନା ଉପରେ ଚଢ଼ଉ କରିବା ପରେ ଜଣେ ବ୍ୟକ୍ତିଙ୍କୁ ଗିରଫ କରିଛି ପୁଲିସ୍ । ତେବେ ଘଟଣାସ୍ଥଳରୁ ଜଣେ ଫେରାର ହୋଇଯାଇଛନ୍ତି । ଚଢ଼ଉ ପରେ ବହୁ ପରିମାଣର ନକଲି ଜର୍ଦ୍ଦା ଜବତ ହୋଇଛି । ଏହାସହ ବହୁ ପରିମାଣର ନକଲି ଖୋଳ, ଲୋଗୋ ଏବଂ ଜର୍ଦ୍ଦା ପେକିଂ ପାଇଁ ଯନ୍ତ୍ରପାତି ଜବତ କରିଛି ପୁଲିସ୍ ।