ବୀମା ଟଙ୍କା ନ ମିଳିବାରୁ ରାଜରାସ୍ତାରେ ଚାଷୀ

ଭବାନୀପାଟଣା: ବୀମା ଟଙ୍କା ନ ମିଳିବାରୁ ରାଜରାସ୍ତାରେ ବସିଛନ୍ତି ଚାଷୀ । କଳାହାଣ୍ଡି ଜିଲ୍ଲା ଗୋଲାମୁଣ୍ଡା ମୁଖ୍ୟ ରାସ୍ତାରେ ଟାୟାର ଜାଳି ରାସ୍ତା ଅବରୋଧ କରିଛନ୍ତି ସମସ୍ତ ଚାଷୀ। ରାସ୍ତାରୋକ ଯୋଗୁଁ ଧର୍ମଗଡ଼-ଖରିଆର ମଧ୍ୟରେ ଗାଡି ଚଳାଚଳ ବାଧାପ୍ରାପ୍ତ ହୋଇଛି । ଗୋଲାମୁଣ୍ଡା ବ୍ଲକର ଶହ ଶହ ଚାଷୀ ଗତବର୍ଷ ଶସ୍ୟ ବୀମା କରିଥିଲେ। ସରକାର କ୍ଷୟକ୍ଷତି ରିପୋର୍ଟ ଦେବା ପରେ ବି ସେମାନଙ୍କୁ ସଂପୃକ୍ତ ବୀମା କମ୍ପାନୀ ଟଙ୍କା ଦେଉ ନ ଥିବା ଅଭିଯୋଗ ହୋଇଛି । ତେଣୁ ଏହାର ପ୍ରତିବାଦରେ ଗୋଲାମୁଣ୍ଡା କିଷାନ ସଂଘ ବିକ୍ଷୋଭ ପ୍ରଦର୍ଶନ କରିଛି ।