SI Recruitment Scam: ପୋଲିସ SI ନିଯୁକ୍ତି ଘୋଟାଲାର ଖୋଲୁଛି ଗୁମର, ‘ବଣିକ’ ଅଧିକାରୀଙ୍କୁ ହାଜିରା ନୋଟିସ୍

ପୋଲିସ SI (Odisha Police SI Exam) ନିଯୁକ୍ତି ଘୋଟାଲା ଲିଙ୍କରେ ଖୋଲୁଛି ଗୋଟିଏ ପରେ ଗୋଟିଏ ଗୁମର। ଭୁବନେଶ୍ବର ସିଆରପି ଛକରେ ଥିବା ବଣିକ’ କୋଚିଂ ସେଣ୍ଟରର HR ମ୍ୟାନେଜର, ଆଡମିନ ମ୍ୟାନେଜର ଓ ଆକାଉଣ୍ଟ ହେଡଙ୍କୁ ନୋଟିସ କରିଛି କ୍ରାଇମବ୍ରାଞ୍ଚ । ଆଜି ତଦନ୍ତକାରୀ ଅଧିକାରୀଙ୍କ ନିକଟରେ ହାଜର ହେବା ପାଇଁ ନୋଟିସ ଜାରି ହୋଇଛି । 
ଗତକାଲି ବଣିକ’ କୋଚିଂ ସେଣ୍ଟରରେ ଛାନଭିନ୍ କରାଯାଇଥିଲା । ବିଜୟନଗରମ ଯାଉଥିବା ଗିରଫ ୧୧୪ ପରୀକ୍ଷାର୍ଥୀଙ୍କ ଭିତରେ ‘ବଣିକ’ର ପରୀକ୍ଷାର୍ଥୀ ଥିଲେ । ‘ବଣିକ’ ପରୀକ୍ଷାର୍ଥୀଙ୍କୁ ପଠାଇଥିବା କହିଛନ୍ତି କ୍ରାଇମବ୍ରାଞ୍ଚ ଡିଏସପି। ହେଲେ କେତେ ପରୀକ୍ଷାର୍ଥୀଙ୍କୁ ‘ବଣିକ’ ପଠାଇଥିଲା ଆଗକୁ ସ୍ପଷ୍ଟ ହେବ। ଏଥିସହ ବଣିକ’ର ୫ ବର୍ଷର ରେକର୍ଡ ଖୋଜୁଛନ୍ତି କ୍ରାଇମବ୍ରାଞ୍ଚ ଅଧିକାରୀ । ପଞ୍ଚସଫ୍ଟ ମୁଖ୍ୟ ଶଙ୍କର ପୃଷ୍ଟିଙ୍କର ‘ବଣିକ’ ମାଲିକଙ୍କ ସହ ସମ୍ପର୍କ ଥିବା ସୂଚନା ରହିଛି । 
ଏପଟେ ଆସିଥିବା ଅଭିଯୋଗକୁ ଖଣ୍ଡନ କରିଛନ୍ତି ବଣିକ କର୍ତ୍ତୃପକ୍ଷ । ଆମେ ଏଠାରେ ପିଲାଙ୍କୁ କୋଚିଂ ଦେଉ, ବାହାରେ କିଏ କ’ଣ କଲା ଜାଣିନୁ। ଆମେ କ୍ରାଇମବ୍ରାଞ୍ଚ ଅଧିକାରୀଙ୍କୁ ତଦନ୍ତରେ ପୂରା ସହଯୋଗ କରୁଛୁ ବୋଲି ବଣିକ କୋଚିଂ ସେଣ୍ଟର ପକ୍ଷରୁ କୁହାଯାଇଛି । ସେପଟେ ଦାୟୀ ବ୍ୟକ୍ତିଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ହେବ ବୋଲି କହିଛି OPRB।

ଅଧିକ ଦେଖନ୍ତୁ: