Dahibara Hata: କଟକ ବାଲିଯାତ୍ରା: ଗୋଟିଏ ଜାଗାରେ ଏକାଠି ହୋଇଛନ୍ତି ପ୍ରସିଦ୍ଧ ଦହିବରା ବ୍ରାଣ୍ଡ...

ଚଳିତ ବର୍ଷ ବାଲିଯାତ୍ରାର ଅନ୍ୟତମ ମୁଖ୍ୟ ଆକର୍ଷଣ ପାଲଟିଛି ଦହିବରା ହାଟ। କଟକର ସବୁ ପ୍ରସିଦ୍ଧ ଦହିବରା ବ୍ୟବସାୟୀମାନେ ପସରା ମେଲାଇଛନ୍ତି ଏହି ହାଟରେ। ଏ ବର୍ଷ ପ୍ରଥମ ଥର ପାଇଁ ବାଲିଯାତ୍ରାକୁ ଆସିଛି ସାରା ଓଡ଼ିଶା ପ୍ରସିଦ୍ଧ ରଘୁ ଦହିବରା । ତା' ସାଙ୍ଗକୁ ବାବୁଲା, ତ୍ରିନାଥ ଓ ପ୍ରତାପ ଦହିବରା ବି ଗୋଟିଏ ଜାଗାରେ ପାଇବେ ଖାଦ୍ୟପ୍ରେମୀ। 

ଦିନଠୁ ରାତିଯାଏ ଏ ଦହିବରା ହାଟରେ ଜମୁଛି ଖାଦ୍ୟପ୍ରେମୀଙ୍କ ଗହଳି। ପିଲାଠୁ ବୁଢା ସମସ୍ତେ ଆଳୁଦମ ଦହିବରା ଖାଇ ଯାତ୍ରା ବୁଲିବାରେ ଲାଗିଛନ୍ତି। ଦହିବରା ଉପରେ ଲାଲ୍‌ ଟହଟହ ଆଳୁଦମର ବାସ୍ନା ଯେମିତି ଟାଣିଆଣୁଛି ଲୋକଙ୍କୁ। ଖଚାଖଚ୍ ଭିଡ ଲାଗୁଛି ଏ ଦହିବରା ହାଟରେ। 
ବାଲିଯାତ୍ରାକୁ ଆସି ଦହିବରା ନ ଖାଇଲେ ବାଲିଯାତ୍ରା ବୁଲା ଅଧୁରା ରହିଯାଏ। ତେଣୁ ଏହି ଦହିବରା ହାଟରେ ଦେଖିବାକୁ ମିଳୁଛି ପ୍ରବଳ ଭିଡ଼। କଟକର ଦହିବରାକୁ ଜିଆଇ ଟ୍ୟାଗ୍ ମିଳିବାରେ ଏହି ହାଟ ସହାୟକ ହେବ ବୋଲି ଆଶା ରଖିଛନ୍ତି କଟକ ବ୍ୟବସାୟୀ ସଂଘ।