LIVE TV
ଦିଲ୍ଲୀର ଯମୁନା ବନ୍ୟା ସ୍ଥିତିରେ ଏବେ ମଧ୍ୟ ବିଶେଷ ସୁଧାର ଆସିନି । ଯମୁନା ନଦୀ ୪୫ ବର୍ଷର ରେକର୍ଡ ଭାଙ୍ଗି ବିପଦ ସଂକେତ ଉପରେ ପ୍ରବାହିତ ହେଉଛି । ତଳିଆ ଅଞ୍ଚଳରୁ ଭିଆଇପି ଏରିଆ ଯାଏଁ, ସବୁଆଡ଼େ ଜଳବନ୍ଦୀ ସ୍ଥିତି। ତା ଉପରେ ଗତକାଲି ସଂଧ୍ୟାରେ ଜୋର୍ ବର୍ଷା ହୋଇଛି । ପ୍ରାୟ ୧୧ ମିଲିମିଟର ବର୍ଷା ହୋଇଥିବାର ସୂଚନା ଦେଇଛି ଭାରତୀୟ ପାଣିପାଗ ବିଭାଗ । ଏହା ଦ୍ୱାରା ବହୁ ଅଞ୍ଚଳରେ ପାଣି ଜମି ରହିଛି ।
ଗତ ସଂଧ୍ୟାରେ ଟ୍ରାଫିକ ସମସ୍ୟା ମଧ୍ୟ ହୋଇଥିଲା । ହରିୟାଣାରେ ପ୍ରବଳ ବର୍ଷା ଯୋଗୁଁ ହାତନି କୁଣ୍ଡ ବ୍ୟାରେଜ ଖୋଲାଯିବା ପରେ ଦିଲ୍ଲୀରେ ହୋଇଛି ଏହି ସାଂଘାତିକ ସ୍ଥିତି । ୨୫ ହଜାରରୁ ଅଧିକ ଲୋକଙ୍କୁ ସୁରକ୍ଷିତ ଜାଗାକୁ ନିଆଯାଇଥିବା ବେଳେ ଗତକାଲି ୩ ଜଣଙ୍କ ମୃତ୍ୟୁ ହୋଇଛି । ରିଲିଫ ଓ ଉଦ୍ଧାର ପାଇଁ ମୁତୟନ ହୋଇଛନ୍ତି NDRF, ସ୍ଥଳସେନା ଓ ନୌସେନା । ୪ ହଜାରରୁ ଅଧିକ ଟ୍ରାଫିକ ପୋଲିସ ମୁତନୟ ହୋଇଛନ୍ତି ।
Also Read
ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ କହିଛନ୍ତି, ଯମୁନା ବ୍ୟାରେଜର ୫ଟି ଯାକ ଗେଟ୍ ଖୋଲିବାକୁ ଚେଷ୍ଟା କରାଯାଉଛି, ଏହା ଦ୍ୱାରା ସହରର ଜଳ ନିଷ୍କାସନ ହୋଇପାରିବ । ବର୍ଷା ନ ହେଲେ ସ୍ଥିତି ସୁଧରିଯିବ ବୋଲି ଆଶ୍ୱାସନା ଦେଇଛନ୍ତି କେଜରିୱାଲ । ୪ ଦିନ ତଳର ସ୍ଥିତି ଆଜି ନ ଥିଲେ ମଧ୍ୟ ସତର୍କ ଦୃଷ୍ଟି ରଖାଯାଇଛି । ଯମୁନାର ଜଳସ୍ତର ସର୍ବୋଚ୍ଚ ୨୦୮.୬୬ ମିଟରକୁ ଛୁଇଁଥିଲା । ସାମାନ୍ୟ ଖସି ଏବେ ତାହା ୨୦୬.୯୭ ରହିଛି ।
ଆଜି ମଧ୍ୟ ସ୍କୁଲ କଲେଜ ଓ ଜରୁରୀ ନ ଥିବା ଅଫିସ ବନ୍ଦ ରହିବ । ଫ୍ରାନସ ଓ ଦୁବାଇ ଗସ୍ତରୁ ଫେରିବା ସାଙ୍ଗେ ସାଙ୍ଗେ ଦିଲ୍ଲୀର ବନ୍ୟା ସ୍ଥିତି ନେଇ ଲେଫଟନାଣ୍ଟ ଗଭର୍ଣ୍ଣରଙ୍କ ସହିତ ଆଲୋଚନା କରିଛନ୍ତି ପ୍ରଧାନମନ୍ତ୍ରୀ ମୋଦି । ...
ସେପଟେ ଫ୍ରାନ୍ସ ଓ ୟୁଏଇ ଗସ୍ତ ଶେଷ କରି ସ୍ୱଦେଶ ଫେରି ଆସିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଗତକାଲି ସଂଧ୍ୟାରେ ସେ ନୂଆଦିଲ୍ଲୀରେ ପହଞ୍ଚିଥିଲେ । ଗତକାଲି ସକାଳେ ସେ ୟୁଏଇ ରାଜଧାନୀ ଆବୁଧାବିରେ ପହଞ୍ଚି ସେଠାକାର ରାଷ୍ଟ୍ରପତିଙ୍କ ସହିତ ବିଭିନ୍ନ ପ୍ରସଙ୍ଗରେ ଆଲୋଚନା କରିଥିଲେ । ପ୍ରତିରକ୍ଷା, ବାଣିଜ୍ୟ, ବିଜ୍ଞାନ ଓ ପ୍ରଯୁକ୍ତିବିଦ୍ୟା କ୍ଷେତ୍ରରେ ଅନେକ ଚୁକ୍ତି ଓ ରାଜିନାମା ସ୍ୱାକ୍ଷରିତ ହୋଇଛି ।
