Vastu Tips: ସୂର୍ଯ୍ୟାସ୍ତ ପରେ କରୁଛନ୍ତି କି ଏହି ୧୦ କାମ, ହୋଇପାରନ୍ତି ଗରିବ

ସନାତନ ଧର୍ମରେ ବାସ୍ତୁ ଶାସ୍ତ୍ରର ବିଶେଷ ଗୁରୁତ୍ୱ ରହିଛି। ଏହି କାରଣରୁ ଘରେ ରଖାଯାଇଥିବା ଜିନିଷଠାରୁ ଆରମ୍ଭ କରି ଦୈନନ୍ଦିନ କାର୍ଯ୍ୟ ପର୍ଯ୍ୟନ୍ତ ସବୁକିଛିର ଯତ୍ନ ନିଆଯାଏ। ଏନେଇ ଭାରତର ଅନେକ ଲୋକ ଜମି କିଣିବା ଠାରୁ ଆରମ୍ଭ କରି ଘରେ ତିଆରି ପର୍ଯ୍ୟନ୍ତ ବାସ୍ତୁବୀତଙ୍କ ସାହାଯ୍ୟ ନିଅନ୍ତି।

ସୁଖମୟ ଜୀବନ ଯାପନ ପାଇଁ ଖାଲି ଜମି କିଣାବିକା କି ଘର ତିଆରି ନୁହେଁ ଏମିତି ଆହୁରି ଅନେକ କିଛି ଅଛି ଯାହା ସବୁ କରିବାକୁ ହେଲେ ବାସ୍ତୁର ମଧ୍ୟ ସାହାଯ୍ୟ ନେବାକୁ ହୋଇଥାଏ। ଶାସ୍ତ୍ରରେ, ସୂର୍ଯ୍ୟାସ୍ତ ପରେ ଏମିତି କିଛି କାମ ଅଛି ଯାହା କରିବା ନିଷେଧ।

ବାସ୍ତୁ ଶାସ୍ତ୍ରରେ କୁହାଯାଇଛି ଯେ ସୂର୍ଯ୍ୟାସ୍ତ ପରେ କିଛି କାମ ଅଛି ଯାହା କରିବା ଅଶୁଭ। ଏହି କାରଣକୁ ଅନେକ ସମୟରେ ଘରର ବୟସ୍କମାନେ ସୂର୍ଯ୍ୟାସ୍ତ ପରେ ଅନେକ କାମ କରିବାକୁ ବାରଣ କରନ୍ତି। ତେବେ ଏବେ ପ୍ରଶ୍ନ ହେଉଛି, ସୂର୍ଯ୍ୟାସ୍ତ ପରେ କ’ଣ କରିବା ଉଚିତ ନୁହେଁ? ଏହି ନିୟମକୁ ଅଣଦେଖା କରିବା ଦ୍ୱାରା ଜୀବନରେ କ’ଣ ପ୍ରଭାବ ପକାଇବ? ଆସନ୍ତୁ ଜାଣିବା…

ଶୋଇବା ମନା:

ହିନ୍ଦୁ ଧର୍ମ ବିଶ୍ୱାସରେ କୁହାଯାଏ ଯେ ଦେବୀ ଲକ୍ଷ୍ମୀ ସୂର୍ଯ୍ୟାସ୍ତ ସମୟରେ ଘରକୁ ଆସନ୍ତି। ଏହା ସହିତ, ଏହା ମଧ୍ୟ କୁହାଯାଏ ଯେ ସନ୍ଧ୍ୟାରେ ନିଜ ଘରର କବାଟ ବନ୍ଦ କରିବା ଉଚିତ ନୁହେଁ। ଯଦି ଜଣେ ବ୍ୟକ୍ତି ସନ୍ଧ୍ୟାରେ ଶୋଇଥାଏ, ତେବେ ସେ ଅନେକ ରୋଗର ଶିକାର ହୋଇପାରନ୍ତି। କୁହାଯାଏ ଯେ ଯେଉଁମାନେ ଏପରି କରନ୍ତି ସେମାନଙ୍କ ଘରେ କେବେବି ସୁଖ ଏବଂ ଶାନ୍ତି ରୁହେ ନାହିଁ। ଏଥି ସହିତ, ଆର୍ଥିକ ପ୍ରତିବନ୍ଧକ ମଧ୍ୟ ଲାଗି ରୁହେ।

ଝାଡୁ କରିବା ମନା:

ହିନ୍ଦୁ ଧର୍ମରେ ସୂର୍ଯ୍ୟାସ୍ତ ପରେ କିମ୍ବା ସନ୍ଧ୍ୟାରେ ଘର ଭିତର ଝାଡୁ କରିବା ନିଷେଧ। ବିଶ୍ୱାସ କରାଯାଏ ଯେ ସନ୍ଧ୍ୟାରେ ଘର ଝାଡି କରିବା ଦ୍ୱାରା ଅଶୁଦ୍ଧତା ଆସିଥାଏ ଏବଂ ଦେବୀ ଲକ୍ଷ୍ମୀ କୋପ କରନ୍ତି। ଏହା ବ୍ୟତୀତ ସନ୍ଧ୍ୟାରେ ଘର ଝାଡୁ କରିବା ଦ୍ୱାରା ସକରାତ୍ମକ ଶକ୍ତି ବାହାରକୁ ଚାଲିଯାଏ।

ଦ୍ୱାରବନ୍ଧରେ ନ ବସିବା:

ଶାସ୍ତ୍ର ଅନୁଯାୟୀ, କୌଣସି ପୁରୁଷ କିମ୍ବା ମହିଳା ସନ୍ଧ୍ୟାରେ ଘରର ଦ୍ୱାରବନ୍ଧରେ ବସିବା ଉଚିତ୍ ନୁହେଁ। ସନ୍ଧ୍ୟାରେ ଘରର ଦ୍ୱାରରେ ବସିବା ଅତ୍ୟନ୍ତ ଦୁର୍ଭାଗ୍ୟଜନକ ବୋଲି ବିବେଚନା କରାଯାଏ। ବିଶ୍ୱାସ କରାଯାଏ ଯେ, ଏପରି କରିବା ଦ୍ୱାରା ଦେବୀ ଲକ୍ଷ୍ମୀ ଆପଣଙ୍କ ଘରେ ପ୍ରବେଶ କରିପାରିବେ ନାହିଁ।

ତୁଳସୀଙ୍କୁ ଜଳ ନ ଦେବା:

ଧାର୍ମିକ ବିଶ୍ୱାସ ଅନୁଯାୟୀ, ସନ୍ଧ୍ୟାରେ ତୁଳସୀଙ୍କୁ ଜଳ ଦିଆଯିବା ଉଚିତ ନୁହେଁ କିମ୍ବା ତୁଳସୀ ପତ୍ର ଛିଣ୍ଡେଇବା ଉଚିତ ନୁହେଁ। ଏହା କରିବା ଦ୍ୱାରା ଦେବୀ ଲକ୍ଷ୍ମୀ ସବୁଦିନ ପାଇଁ ଘରୁ ବାହାରି ଯାଆନ୍ତି।

ଟଙ୍କା କାରବାର ନ କରିବା:

ଶାସ୍ତ୍ର ଅନୁଯାୟୀ, ସୂର୍ଯ୍ୟୋଦୟ ପରେ ମଧ୍ୟ ଭୁଲରେ ବି ଟଙ୍କା କାରବାର କରିବା ଉଚିତ ନୁହେଁ। ବିଶ୍ୱାସ କରାଯାଏ ଯେ ଯଦି ସନ୍ଧ୍ୟାରେ ଟଙ୍କା କାରବାର ହୁଏ, ତେବେ ସେହି ଟଙ୍କା କେବେ ଫେରସ୍ତ ହୁଏ ନାହିଁ।

ଅନ୍ୟାନ୍ୟ ବାରଣ:

• ସୂର୍ଯ୍ୟୋଦୟ ପରେ ନଖ ଏବଂ ଚୁଟି କାଟିବା ଠାରୁ ଦୂରେଇ ରହିବା ଉଚିତ। ଏହା କରିବା ଦ୍ୱାରା ଋଣର ସମସ୍ୟା ବଢିଯାଏ
• କୁହାଯାଏ ସୂର୍ଯ୍ୟୋଦୟ ପରେ ପୋଷାକ ଧୋଇବା ଉଚିତ ନୁହେଁ। ବାସ୍ତୁ ଅନୁଯାୟୀ ଏହା ନକାରାତ୍ମକ ଶକ୍ତି ବିସ୍ତାର କରିଥାଏ। ଏହା ବ୍ୟତୀତ ରୋଗ ବ୍ୟାପେ
• ସୂର୍ଯ୍ୟାସ୍ତ ସମୟରେ ଖାଇବା ପିଇବା ଠାରୁ ଦୂରେଇ ରହିବା ଉଚିତ। ଏହା କରିବା ଦ୍ୱାରା ଘରେ ଦାରିଦ୍ରତା ଆସିଥାଏ
• ସୂର୍ଯ୍ୟାସ୍ତ ସମୟରେ କ୍ଷୀର, ହଳଦୀ, ଦହି, ଲୁଣ ଏବଂ ଖଟା ଜିନିଷ ଦାନ କରାଯିବା ଉଚିତ ନୁହେଁ
• ଶାସ୍ତ୍ର ଅନୁଯାୟୀ, ସୂର୍ଯ୍ୟାସ୍ତ ପରେ ଜଣେ ବ୍ୟକ୍ତି କେବେବି ଗାଧୋଇବା ଉଚିତ ନୁହେଁ। ଏହି କାରଣରୁ ମାତା ଲକ୍ଷ୍ମୀ କୋପ କରନ୍ତି, ଫଳରେ ଘରେ ସବୁବେଳେ ଆର୍ଥିକ ସଙ୍କଟ ଦେଖାଯାଏ।